Горнайга лааҕыр оҕолоро сэлии муоһун буллулар

Комментарии От редакции

Поделиться:

НВК САХА – Горнай улууһугар Семен Данилов аатынан Бэрдьигэстээх орто оскуолатын иһинэн үлэлиир экологическай лааҕыр оҕолоро сэлии муоһун буллулар. Булумньу туруга бэрт үчүгэй диэн сыаналыыллар.

“Тыыннаах лаборатория” үөрэтэр-чинчийэр экспедиция от ыйын 10 күнүттэн 16 күнүгэр диэри Аан айылгы “Сиинэ” ураты харыстанар сиргэ ааста. Экспедицияҕа уопсайа 19 оҕо кытынна.

Эдэр чинчийээччилэр экспедиция төрдүс күнүгэр Сиинэ үрэх уҥа биэрэгиттэн сэлии муоһун булбуттар.

“2008 сыллаахха быйылгытааҕар арыый улахан муоһу булбуттара. Ол гынан баран ол муос туруга мөлтөх соҕус этэ. Муос уһуна 1 миэтэрэттэн ордук, ыйааһына 6,5 кг, туруга олох үчүгэй”, – диэн география учуутала Николай Санников кэпсээтэ.

“Тыыннаах лабораторияҕа” тулалыыр эйгэ араас көстүүлэрин, үөннэри-көйүүрдэри, көтөрү-сүүрэри тустаах салайааччылары кытта илэ харахтарынан көрөллөр, эдэр чинчийээччилэр саҥа үөрэх дьылыгар араас таһымнаах күрэхтэргэ кыттыахтара турдаҕа.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

семь − пять =

ЛЕНТА НОВОСТЕЙ