Горнайга тимир көлөлөөх кыргыттар күрэхтэстилэр

Комментарии Общество и политика

Поделиться:

НВК САХА – Горнай оройуонун «Автоледи» дьахталлар түмсүүлэрин тэрийиитинэн үһүс төгүлүн «Автоледи – 2018» күрэх буолан ааста. Быйылгы суоппар кэрэ аҥаардар түһүлгэлэрин сүрүн уратытынан – хамаанданан күрэх буолла. Онон тэрээһин үгүс кыттааччыны түмэ тардан, ураты сэргэҕинэн, тыҥааһыннаах киирсиилэринэн чорбойдо.

Күрэххэ кыттар баҕатын биэстии кыыс састааптаах алта хамаанда биллэрэн, үгүс кытаанах бэлэмнэниини аастылар. Күрэх түөрт түһүмэҕинэн сарсыарда эрдэттэн күн устата ааста. Бастатан туран, кыргыттар суол быраабылаларыгар билиилэрин тургутар түһүмэх саҕаланна. Бу кэннэ хамаандалар ылыммыт аатттарын арыйан, тимир көлөлөрүн симээн бар дьоҥҥо билиһиннэрдилэр.

Салгыы нэһилиэк уулуссаларын устун сэлэлии айаннаан, автодромҥа тиийдилэр. Дьэ, ол кэннэ саамай долгутуулаах тимир көлөнү ыытыы маастарыстыбатын тургутан көрөр сорудахтары толордулар. Кыттааччылары суолга куттал суох буолуутун хонтуруоллуур сулууспа иниспиэктэрдэрэ кыраҕытык кэтээтилэр.

Кыттааччылар эрэ буолбакка, хамаандалар ыалдьааччылара күүскэ бэлэмнэммиттэрэ күрэх хаамыытын өссө сэргэхситтэ.

Салгыы кыргыттар сынньалаҥ киинигэр үгүс көрөөччүнү мустулар. Манна өркөн өй, талба талаан, минньигэс бүлүүдэ, киэһээҥҥи мааны таҥас курдук дьахтар кэрэ сэбэрэтин арыйар түһүмэхтэр олохтоммут үгэстэн туора турбатылар.

Түмүккэ, бары түһүмэхтэргэ ордук бэлэмнээхтэрин көрдөрөн, «Девчата» хамаанда кыайыылаах үрдүк аатын ылан, 25 тыһыынча солкуобай уу харчынан наҕараадаланнылар. Маны сэргэ Хаарчаана Андреева «Мисс Автоледи» анал аат хаһаайкатынан ааттанан, өрөгөй үөрүүтүн биллэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

одиннадцать − десять =

ЛЕНТА НОВОСТЕЙ