Хаҥалас улууһун Дьэр нэһилиэгин эр дьоно бары от субуотунньугар таҕыстылар

Комментарии От редакции

Поделиться:

НВК САХА –  Хаҥалас улууһун Дьэр нэһилиэгэр олохтоох эр дьон бары от субуотунньугар таҕыстылар. Биир күн охсон, биир күн мунньан, рулоннаан кыайыылаах үлэ буолбут. Уулаах Аан эр дьоно нэһилиэнньэҕэ өҥөнү оҥорор тыа хаһаайыстыбатын кэпэрэтиибин сирдэрин оттоотулар.

Мунньуллубут баалтан хомуйан иһэр тэрил биир-биир рулоннаммыт оту түһэрэр. Ходуһаҕа түөрт тыраахтар тэҥинэн сылдьан үлэлиир.

“Куудук” тыа хаһаайыстыбатын сүөһүнү көрөр поотербительскай кэпэрэтиибэ быйыл тэриллибитэ уон сыла. Хотонноро эргэ буолан, 60-ча хороҕор муостааҕы кыстаталлар. Үс үлэһиттээх кэпэрэтиип оттуур биригээдэтэ суох буолан, сыл ахсын дьону көрдөһөн оттоон кэлбит. Быйыл нэһилиэк дьонун субуотунньукка ыҥырда.

“Николай Аянитов олохтоох дьаһалтаҕа баран, субуотунньукта тэрийиэҕиҥ диэн этии киллэрбитэ. Дьаһалтабыт, олохтоохторбут ыҥырыыбытын ылынан оттоотулар”, – диэн “Куудук” кэпэрэтиип салайааччыта Екатерина Доромонова эттэ.

Таппалаах уонна Огдору диэн сирдэргэ уопсайа 127 гектардаах сири оттууллар. Уопсайа 23 тыраахтар үлэлээтэ. Мунньууга, рулоннааһыҥҥа 16 тыраахтар тигинэччи үлэлээн, олохтоохтор бэйэлэрэ да астыналлар.

Сыл ахсын дьону көрдөһөн оттуур кэпэрэтиип быйыл күүлэй тэрийэн, дьон көҕүн улаатыннарда. Быйыл халлаан да туран биэрэн, үгүс дьон отун улаханын бүтэрэн сылдьар, онон субуотунньукка үөрүүнэн тахсар. Тыа хаһаайыстыбатын инникитигэр күргүөм үлэ көҕү күүһүрдэн, сайдыы суолун тобулар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

5 × три =

ЛЕНТА НОВОСТЕЙ