Хаҥаласка «Хаҥалас-Ас» бэйэ оҥорон таһаарар кооператив таһаарылаахтык үлэлиир (ВИДЕО)

Комментарии Экономика и сельское хозяйство

Просмотров: 36

NVK-ONLINE.RU – Тыа хаһаайыстыбатын бары салааларыгар ураты эппиэтинэстээх кэм. Хаҥалас улууһун «Хаҥалас-Ас» тыа хаһаайыстыбатын производственнай кооператива ахсынньы ый саҥатыгар көрдөрүүнэн 3680 туонна үүтү тутар былааннааҕын 3898 туоннаны бэлэмнээн, 218 туоннанан аһары толордо.

Аҕыйах сыллааҕыта Мохсоҕоллоох үүт собуота быстар мөлтөх туруктааҕа. Манна 2015 сыллаахха олунньу ыйга эдэр салайааччы Сергей Петрович Латышев кэлэн, үлэҕэ-хамнаска сыһыан тосту уларыйан, үүт аһылыгы оҥоруу көрдөрүүтэ тубуста.

Иккилии хоно-хоно ыаммытынан иккилии туонна үүт Нөмүгүттэн кэлэр. Сыахха олохтоох ыччат бэркэ кыһанан үлэлииллэр. Тэрилтэ бэйэтин суотугар суулуур-хаалыыр онтон да атын тэриллэри ылынан, ырыынакка эппиэттиир бородууксуйаны оҥорон таһаарар.

Мохсоҕоллоох «Хаҥалас-Ас» тыа хаһаайыстыбатын производственнай кооператива киэҥ ырыынакка тахсан, Хаҥалас улууһугар 74, Дьокуускай куоракка 300-тэн тахса маҕаһыын нөҥүө уонна алта бэйэтин фирменнэй маҕаһыыныгар бородууксуйатын батарар.



Добавить комментарий

Ваш e-mail не будет опубликован. Обязательные поля помечены *

семь − 4 =