Хаҥаласка Үс иилээх хапсаҕайга Үөһээ Бүлүү бөҕөһө кыайда

Комментарии Спорт и культура

Поделиться:

НВК САХА – Бүгүн Хаҥалас улууһун ыһыаҕын чэрчитинэн үс иилээх хапсаҕай аан бастакытын ыытылынна. Манна икки ыйааһыҥҥа 40 бөҕөс илин-кэлин түһүстэ – 70 киилэҕэ диэри уонна онтон үөһэ ыйааһыннаахтар. 70 киилэҕэ диэри ыйааһыннаахтарга муҥутуур чөмпүйүөн аатын Үөһээ Бүлүү спортивнай оскуолатын иитиллээччитэ Рустам Прокопьев ылла. Кини Нөмүгүтээҕи килиэп собуота туруорбут сүрүн бирииһэ кулунчугунан наҕараадаланна. Кини хапсаҕайга спорт маастара, Хаҥалас хапсаҕайын алта төгүллээх чөмпүйүөнэ.

Оттон ыарахан ыйааһыннаахтарга эмиэ Үөһээ Бүлүү Кырыкыйыттан Станислав Степанов тэҥнээҕин булбата. Кини эмиэ кулунчукка сэртипикээти ылла. Станислав хапсаҕайга өрөспүүбүлүкэ алта төгүллээх призера.

«Биһиги маннык быраабылалаах хапсаҕайы аан бастакытын ыытабыт. Анаан көбүөр сакаастаан оҥоттордубут. Хапсаҕай бэдэрээссийэтин бэрэсидьиэнэ, “НХЗ Group” генеральнай хампаанньа дириэктэрэ Вячеслав Нестеров өйөөн, үбүлээтэ. Урукку кэмҥэ үс иилээх хапсаҕай Үөһээ Бүлүүгэ ыытыллара. Быраабылата үгэс буолбут хапсаҕайтан ураты, быдан тэтимнээх. Үс эргимтэҕэ киирсэллэр. Икки мүнүүтэ иһинэн биир да киһи охтубатах, атаҕынан эргимтэ таһыгар тахсыбатах буоллаҕына, ортоку эргимтэҕэ киирэллэр. Салгыы икки мүнүүтэнэн эмиэ туох даҕаны уларыйбатаҕына, саамай кыра ортоку эргимтэҕэ киирсэллэр. Онтон биэс мүнүүтэ иһинэн биир да киһи иннин биэрбэтэҕинэ, кыра ыйааһыннаах бөҕөс тута кыайыылааҕынан аатырар», – диэн кэпсиир тэрийээччи, Хаҥалас улууһун спорт управлениетын салайааччыта Юрий Никифоров.

Быйылгы Эркээни хочотун ыһыаҕа Сомоҕолоһуу сылыгар уонна Хаҥалас улууһун бастакы баһылыга Софрон Сыранов 300 сааһыгар ананар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

три + девятнадцать =

ЛЕНТА НОВОСТЕЙ