Халыҥ хаардаах кыһын буолан, халаан уута элбэх буолуо диэн сабаҕалыыллар

Комментарии Главные новости, Общество и политика

Поделиться:

НВК САХА –  Саха сирин 130 нэһилиэнньэлээх пуунугар халаан уута элбэх буолуо диэн сабаҕалыыллар. Ол курдук 47 тыһыынча олохтоох дьону хаарыйыа диэн ТАСС-ка СӨ нэһилиэнньэҕэ куттал суох буолуутун хааччыйар кэмитиэтэ иһитиннэрдэ.

Дьону көһөртүүргэ быстах кэмҥэ олорор 272 пууну бэлэмниэхтэрэ, онно 28,8 тыһыынча киһи тохтуон сөп буолуоҕа.

Өрөспүүбүлүкэ үгүс сирдэригэр хаар  70-110% таһымнаах диэн уу ресурсатын федеральнай ааҕыныстыбатын Өлүөнэтээҕи салаатыгар эттилэр.

“Саха сирин соҕуруу өттүгэр, Өймөкөөҥҥө уонна Үөһээ Халымаҕа хаар элбэх”, – диэн биэмистибэҕэ иһитиннэрдилэр.

Ыам ыйын ортотугар Дьокуускай аннынан Өлүөнэ өрүс уонна Алдан, Амма, Бүлүү өрүстэр эстиэхтэрэ.

Былырыын хоромньу 1,4 миллиард солкуобайга тэҥнэспитэ, 15 улуус уонна 63 нэһилиэнньэлээх пуун халаан уутуттан эмсэҕэлээбитэ, барыта 1482 олорор дьиэ ууга барбыта.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

1 × 4 =

ЛЕНТА НОВОСТЕЙ