Халыма өрүс тоҕус учаастагар муус харыыта тахсара сабаҕаланар

Комментарии Общество и политика

Поделиться:

НВК  САХА – Халыма өрүскэ тоҕус учаастакка муус харыыта тахсар кутталлаах. Бу туһунан өрөспүүбүлүкэ суһал сулууспата иһитиннэрдэ.

Үөһээ Халыма оройуонугар муус харыыта түөрт учаастакка тахсыан сөп. Орто Халымаҕа – үс учаастакка. Оnтон Аллараа Халымаҕа муус харыыта икки сиргэ тахсыан сөп.

Муус харыытын түмүгэр Үөһээ Халыма, Орто Халыма уонна Аллараа Халыма оройуоннарын алта нэһилиэгэр 1581 киһи олорор 215 тэлгэһэтэ ууга барар кутталлаах.

Халыма мууһа Магадан уобалаһын Балыгычан – Коркодон учаастактарыгар  хойуутук устар.

Зырянкаҕа муус хамсааһына бэлиэтэннэ. Уу таһыма – 444 см (суукка иһигэр +16 см). Кутталлаах таһым – 770 см.
Орто Халымаҕа ырбыыланна. Уу таһыма – 345 см (сууккаҕа +32 см), кутталлаах таһым – 1200 см.

Кэлэр күннэргэ Халыма өрүс Зырянкаҕа эстэрэ сабаҕаланар. Орто Халыма куоратыгар ыам ыйын 22-24 күннэригэр күүтүллэр, Черскэйгэ – ыам ыйын 30 күнүгэр. –ай//фа

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

шестнадцать − 12 =

ЛЕНТА НОВОСТЕЙ