Кангаласс бөһүөлэгин баһаарынайдара «забастовкалаабыттарын» кэннэ бэрэбиэркэ ыытыллар

Комментарии Криминал и происшествие

Поделиться:

НВК САХА – Кангаласс бөһүөлэгин 10№дээх баһаарынай чааһын үлэһиттэрэ үлэлиир усулуобуйаларын сөбүлээбэттэрин туһунан иһитиннэрии СМИ-гэ киэҥник тарҕаммыта. Бу дьыаланан Саха сирин прокуратурата бэрэбиэркэлиир үлэ ыытыаҕа.

«Ол курдук бэрэбиэркэ кэмигэр хамнас, үлэ чааһыттан таһынан үлэлээһин, үлэһиттэр тус куттала суох буолууларын хааччыйыы, материальнай-техническэй хааччыллыы, үбүлээһин  боппуруостара көрүллүөхтэрэ», – диэн прокуратура пресс-сулууспата иһитиннэрэр.

Эрдэ иһитиннэрбиппитинэн, Кангаласс бөһүөлэгин баһаарынай чааһын түөрт үлэһитэ хамнастара үлэлиир усулуобуйаларын кытта сөпсөспөккө, “забастовка” биллэрбиттэрэ. Үлэһиттэр этэллэринэн, сменаҕа үс күн буола-буола түөртүү киһи үлэлиир. Хамнастара 35 тыһыынчаҕа тэҥнэһэр.

Үлэлиир усулуобуйаларын сөбүлээбэккэ, үлэһиттэр хаста да судаарыстыбаннай баһаары утары охсуһар сулууспа салалтатын суукка биэрэ сылдьыбыттар. Муус устар 16 күнүгэр “голодовка” биллэрбиттэрэ.

Боппуруоһу быһаарар сыаллаах нэһилиэнньэ олоҕор куттал суох буолуутун хааччыйар судаарыстыбаннай кэмитиэт бэрэссэдээтэлэ Юрий Зайцев миэстэтигэр тахса сылдьан, балаһыанньаны билсибитэ.

Муус устар 16 күнүгэр  бырабытаалыстыба бэрэссэдээтэлэ Евгений Чекин суһал мунньаҕы ыыппыта. Онно баар кыһалҕалары бэрэбиэркэлиир сыаллаах баһаары утары охсуһар сулууспалар салайааччыларын бэрэбиэркэлиир бырабыыталыстыба хамыыһыйатын тэрийэргэ сорудахтаата.  –ай//кс

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

3 × 3 =

ЛЕНТА НОВОСТЕЙ