Хатас үөрэнээчилэрэ үгүс үүнүүнү ыларга суоттаналлар

Комментарии Экономика и сельское хозяйство

Поделиться:

НВК САХА – Хатас оскуолатын үөрэнээччилэрэ олордубут үүнээйилэрин бүөбэйдээн, көрөн-истэн, сайыны туһалаахтык атаараллар. Үлэ лааҕырын иккис түһүмэҕэр 50 оҕо сылдьан, оҕурсуттан саҕалаан тыкваҕа тиийэ олордор.

Кинилэр быйыл сайын 500 киилэ оҕуруот аһын уонна тонна хортуоппуйу ыларга суоттаналлар. Бүгүҥҥү күҥҥэ номнуо 135 киилэ оҕурсуну быспыттар.

Маны таһынан оскуола дьиэтин кытта кэккэлэһэ сылы эргиччи үлэлиир тэпилииссэни туталлар. 100 кв миэтэрэ иэннээх тэпилииссэ аныгы технологиянан үлэлиэ. Онон Хатас үөрэнээччилэрэ хайдах олордон, көрөн-харайан, үүнүүнү ылары научнай өттүнэн эмиэ билиэхтэрэ-көрүөхтэрэ.

“Улаханын учууталларбыт туппуттара, билигин уоппускаларыгар сылдьаллар. Кыра, кыайыллар өттүн лааҕыр оҕолорун биригээдэлэрэ оҥороллор. Сыалбыт-сорукпут диэн оҕолору саҥа технологияларга сыһыарыы, инникитин үчүгэй бырайыактары бэйэлэрэ толкуйдаан таһааралларыгар үөрэтэбит”, – диэтэ Хатас оскуолатын агротехнология салаатын сэбиэдиссэйэ Раиса Аргунова.  

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

19 − два =

ЛЕНТА НОВОСТЕЙ