Хатас туорааһыныгар муус харыытын аһардаары, мууһу көйөр суудунаны үлэлэтиэхтэрэ

Комментарии Общество и политика

Поделиться:

НВК САХА – Өлүөнэ өрүскэ Хатас туорааһыныгар муус харыытын туоратар туһугар Өлүөнэтээҕи холбоһуктаах пароходство мууһу көйөр суудунатын үлэлэтиэхтэрэ. Бу туһунан Дьокуускай куорат баһылыга Айсен Николаев сарсыарда халаан балаһыанньатын бөртөлүөтүнэн кэрийэн көрөөт, эттэ.

“Хатаска баар кыһыҥҥы өрүһү туоруур сиргэ муус харыыта таҕыста. Манна күөх төлөн ситимэ ааһарынан сибээстээн дэлби тэптэрэр үлэ ыытыллыбат. Өрөспүүбүлүкэ бырабыыталыстыбатын ыксаллаах быһыыга-майгыга хамыыһыйатын быһаарыытынан, харыыны алдьата, Өлүөнэтээҕи холбоһуктаах пароходство мууһу көйөр суудуната тахсар буолла”, – диэн куорат баһылыга Айсен Николаев Instagram социальнай ситимигэр суруйда.

Сарсыардааҥҥы халаан балаһыанньатын СӨ бырабыыталыстыбатын бэрэссэдээтэлин маҥнайгы солбуйааччы Алексей Колодезников, “Сахатранснефтегаз” хампаанньа, Өлүөнэтээҕи холбоһуктаах пароходство уонна Өлүөнэ өрүс бассейнын уу дьаһалтататын салайааччылара көрдүлэр диэн Айсен Николаев бэлиэтээтэ.-яв//кс

 

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

1 × пять =

ЛЕНТА НОВОСТЕЙ