Хатаска үлэ лааҕырын оҕолоро оҕуруот аһын арааһын олордоллор

Комментарии От редакции

Поделиться:

НВК САХА – Хатас үөрэнээччилэрэ үүнээйини көрөн-истэн, күөх сайыны туһалаахтык атаараллар. Үлэ лааҕырын иккис түһүмэҕэр оҕолор уонча араас көрүҥ оҕуруот аһын олордубуттар. Ону тэҥэ оскуола таһыгар дьылы эргиччи үлэлиир тэпилиссэни тутарга көмөлөһөллөр.

Оскуола учаастагыттан оҕуруот аһын талбыта баар. Оҕурсуттан тыкватыгар тиийэ. Хатас оҕолоро ону бүөбэйдэһэн, соло булбаттар. Айта Федорова үлэ лааҕырын иккис түһүмэҕин түмүктээн эрэр. Кини кохияҕа уу кута сырыттаҕына, түбэһэ түһэн, дьикти үүнээйи балтараа миэтэрэҕэ диэри уһуурун биллибит.

Бу кэмҥэ тэпилииссэлэргэ атын түбүк. Хата, көмүс көлөһүн боруостаныыһы. Хойуу уктарга оҕурсулар оҕуруо курдук ыйанан, оҕолор бүгүн да үөрүүһүктэр.

Сардааналаах Валерия дьүөгэлиилэр. Кыргыттар эйэ-дэмнээхтик сылдьан, сыыс оту үргүүллэр, уу куталлар, 80 устуука оҕурсуну көрүү туһугар сылаалаах буоллаҕа.

Күөх сайыҥҥа былаан үгүс. 500 киилэ оҕуруот аһын ылыахтаахтар, тыһыынча тонна хортуоппуйу хостуохтаахтар. Дьэ, ити сорук туолууһу, үөрэнээччилэр номнуо 135 киилэ оҕурсуну быһан, нэһилиэккэ таһаарбыттар.

Кэлэр үөрэх дьылыттан Хатас оскуолатыгар үлэ өссө кэҥиэхтээх. Манна дьылы эргиччи үлэлиир тэпилииссэ оҥоһуллан, улахана үмүрүйбүт. Тутуу аныгы ирдэбилгэ дьүөрэлиэхтээх. Ол аата күөх үүнээйини көрүү-истии техниканан салаллыаҕа.

Тэпилииссэни бүтэрэ охсоору, улаханныын-кыралыын бары тиэтэйэллэр. Учууталлар көҥдөйүн туппуттар, уолаттар кунуһун куталлар, ону бүтэрдилэр да, аны эргиччи таас билиитэни тэлгэтиэхтээхтэр.

Оборуудабанньа барыта соҕуруу сакаастаммыт. Тиэллэн кэллэҕинэ, эмиэ бары саба түһэн, таҥан туруохтаахтар, холбуохтаахтар. Сана тэпилииссэ алтынньыга аһыллыахтаах. Онно Дьокуускай эргин уонна чугас улуустартан оҕолор мустуохтара. Оттон үүнээйини көрүүгэ-истиигэ тыа хаһаайыстыбатын академиятын учуонайдара такайыахтара.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

17 + 7 =

ЛЕНТА НОВОСТЕЙ