Хатаска түөлбэлэр үлэлэрэ нэһилиэк тупсарыгар төһүү күүс буолар (ВИДЕО)

Комментарии Общество и политика

Поделиться:

NVK-ONLINE.RU – Хатаска 8 түөлбэ үлэлиир. Эмиэ ханна да буоларын курдук түөлбэлэр үлэлэрэ олох хаамыытынан сорох сыл бытааран, умнулла быһыытыйан баран, кэлин, дьэ, саҥа тыын ылбыта харахха быраҕыллар.

Түөлбэлэр олохтоох кулууп дьиэтигэр кииннэнэллэр. Ол эрэн, үлэ-хамнас аҥаардас үҥкүүнэн-ырыанан, спордунан эрэ муҥурдаммат диэн бэлиэтииллэр. Маныаха салайааччылар бэйэлэрин уулуссаларыгар олорор хас биирдии киһи туох кыһалҕалааҕын, туохха наадыйарын, нэһилиэнньэ тугу туруорсарын ааҕа билэллэр уонна ону олохтоох дьаһалтаҕа быһаартара охсорго үлэлэһэллэр.

Оттон мэлдьи босхо үлэлиир, сүрэх баҕатынан уопсастыбаннай үлэни сүрүннүүр түөлбэлэргэ утары баран, күрэх быһыытынан, сыллата араас бириистэри туруорар.

Аан бастаан күрэх түмүгүнэн, “Туймаада” түөлбэ бастаан оҕо оонньуур площадкатын ылбыт. Билигин манна халлаан сылыйда эрэ, чугастааҕы оҕолор сөбүлээн мустар сирдэрэ буолбут.

Оттон “Маалгын” түөлбэ былырыын эмиэ күрэх түмүгүнэн кыайыылаах тахсыбыт. Маныаха кинилэргэ суол оҥоһуллубут.

Былырыын нэһилиэккэ тупсаран оҥорорго болҕомто ууруллубут буоллаҕына, быйыл Дьокуускай куоракка Үтүө дьыала сыла биллэриллибитэ. Онон Хатас ыччата “385 Үтүө дьыала” диэн бачыымы өйүүр. Билиҥҥитэ нэһилиэк килбэйэр киинигэр “Күөх сирэм” диэн ааттаах сквери сөргүтэр былааннаахтар.

Кэлиҥҥи кэм көрдөрөрүнэн, олохтоох бэйэни салайыныы бэйэтин бэйэтэ дьаһанар, бүтүн республика сайдарыгар сүҥкэн кылаатын киллэрэр ураты хайысха буолара бу аҥаардас Хатас холобуругар дьэҥкэтик көстөр. Бу биллэн турар, олохтоох нэһилиэнньэ олоҕо-дьаһаҕа тупсарыгар төһүү буолар.



Поделиться:




Добавить комментарий

Ваш e-mail не будет опубликован. Обязательные поля помечены *

7 − 2 =

ЛЕНТА НОВОСТЕЙ