ХИФУ геолого-разведочнай факультета абитуриеннары күүтэр

Комментарии Образование и здравоохранение

Поделиться:

НВК САХА – Оскуоланы бүтэрээччилэргэ эппиэтинэстээх кэм үүннэ. Быйыл докумуону тутар киин хамыыһыйа бэс ыйын 20 күнүттэн университет кылаабынай куорпуһугар абитуриеннарга, орто анал үөрэҕи бүтэрээччилэргэ анаан үлэтин саҕалыаҕа.

М.К. Аммосов аатынан ХИФУ геолого-разведочнай факультета 1983 сылтан бэттэх 35 сыл устата күн бүгүн алта кафедраны, ону таһынан сиппит-хоппут исписсэлииһи иитэн таһаарар соруктан араас лабораториялары үлэлэтэр.

“Бары билэрбит курдук, Сахабыт сирэ элбэх сир баайдааҕынан биллэр. Онон биһиги факультеппыт биэрэр идэлэрэ олус наадалаахтар, инникитин сайдар кэскиллээхтэр”, – диэн геолого-разведочнай факультет кафедратын сэбиэдиссэйэ Николай Тимофеев этэр.

Сылын аайы үөрэххэ туттарсыы таһымын көрдөрүүтэ үчүгэй. Үөрэххэ киирэччилэр муҥутуур кыра бааллара: математикаҕа – 38, нуучча тылыгар уонна физикаҕа – 36 буолуохтаах.

Бүддьүөт ол эбэтэр төлөбүрэ суох үөрэххэ быйыл 111 миэстэ былааннанар.

Факультет бөдөҥ промышленнай хампаанньалары кытта ыкса үлэлэһэр. Онон үлэнэн хааччыллыыны 100 % ситиһэр, тарбахха баттанар үөрэх кыһаларыттан биирдэстэрэ буолар. –фа



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

18 − 10 =

ЛЕНТА НОВОСТЕЙ