ХИФУ-ка Арассыыйа араас куораттарыттан эдэр математиктар муһуннулар
НВК САХА – Муус устар 16 күнүгэр Хотугулуу-Илиҥҥи федеральнай университет базатыгар XXII “Лаврентьевскай ааҕыылар” уонна устудьуоннарга аналлаах математикаҕа арассыыйатааҕы олимпиада үөрүүлээх аһыллыыта буолан ааста. Олипмиадаҕа 8 үрдүк үөрэх кыһатыттан 36 устудьуон кыттыыны ылыахтара диэн университет пресс-сулууспата иһитиннэрэр.
“Москваттан 3 үрдүк үөрэх кыһата, Хабаровскайтан, Иркутскайтан, Архангельскайтан уонна Ставропольскайтан биирдии үөрэх кыһалара кыттыыны ылыахтара. ХИФУ-ты ааҕан туран барыта 8 үрдүк үөрэх кыһата кыттыаҕа. Хас биирдии үөрэх кыһатыттан үстүү кыттааччы. Ол гынан баран ВШЭ-тан 1 устудьуон, оттон Хабароскайдааҕы Дальневосточнай университеттан 2 устудьуон кыттыахтара” – диэн иһитиннэрэллэр.
Үөрүүлээх аһыллыыга АБА ХС (СО РАН) бэрэссэдээтэлин сүбэһитэ Геннадий Сапожников кыттааччыларга бары үчүгэйи уонна ситиһиилэри баҕарда. Ону тэҥэ математика үнүстүүтүн билим-чинчийэр киинин дириэктэригэр Иван Егоровка өйдөбүнньүк яшма мэтээл уонна АБА ХС туһунан матырыйааллары туттарда.
Ыспыраапка: 1997 сылтан “Лаврентьевскай ааҕыылар” ХИФУ ыытыллаллар. Бу сыл XXII төгүлүн ыытыллар «Лаврентьевскай ааҕыылар» саха норуотун бастакы академига Владимир Ларионов төрөөбүтэ 80 сылыгар ананар.
Поделиться:
Наш Telegram
Отправляйте свои новости на горячую линию: +7(914)2734488
