ХИФУ учуонайдара былыргы кулунчуктан аан бастаан убаҕас хааны буллулар

Комментарии Общество и политика

Поделиться:

НВК САХА – Хотугулуу-Илиҥҥи федеральнай үнүбэрситиэт чинчийээччилэрэ палеонтология устуоруйатыгар аан бастаан ирбэт тоҥҥо 42 тыһыынча сыл кэриҥэ сыппыт былыргы сылгы тоҥмут этиттэн убаҕас хааны буллулар. Бу туһунан ТАСС-ка Сэлии түмэлин дириэктэрэ, биологическай наука кандидата Семен Григорьев кэпсээтэ.

Кини бэлиэтээбитинэн, сылгы ис уоргана үчүгэйдик хараллыбыт. Сүрэҕин тымырдарыттан убаҕас хаан образеһын ылбыттар. Онон учуонайдар этэллэринэн, бу  аан дойду үрдүнэн муус үйэтээҕи кэминээҕи кыыл саамай үчүгэйдик хараллыбыт булумньутунан буолар.

Кулунчук ханнык да тас эмсэҕэлээһинэ суох. Тириитэ төбөтүгэр, атаҕар уонна иһин сорох өттүнэн бүтүн хаалбыт. Урукку өттүгэр былыргы сылгыны тириитэ суох булаллара.

Григорьев кэпсииринэн, ХИФУ үлэһиттэрэ Соҕуруу Кореятааҕы биотехнологическай чинчийии пуондатын бэрэстэбиитэллэрин кытта клоннуур кыаҕы үөрэтэргэ мамоннары кытта тэҥҥэ сылдьыбыт кулунчук килиэккэтин иккис ыйын культивируйдуу сатыыллар.

Сэдэх палеонтологическай булумньу  2020 сылга бэс ыйыттан балаҕан ыйыгар диэри Япония түөрт куоратыгар ыытыллар мамонт фаунатын The Mammot быыстапкатыгар биир сүрүн экспонатынан буолуо. Манна Саха сириттэн 30 тахса экспонат туруо. Ол иһигэр Аччыгый Ляхов арыыларыгар көстүбүт мамонт хобота, Дьүкээгир бизона, былыргы курупааскы уонна кулунчук баар.

Оттон бу былыргы үйэтээҕи кулунчук өлүгүн 2018 сыллаахха сайын Дьааҥы улууһуттан булбуттара.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

двадцать − 6 =

ЛЕНТА НОВОСТЕЙ