Хомус Уйбаан: Хомуһунан эмтииргэ киһи туруга уларыйара харахха быраҕыллар

Комментарии Саха итэҕэлэ

Поделиться:

НВК САХА – Клавдия Максимова – Сайыына аатын сүгэр киин хомуһунан эмтээһини – хомусотерапияны үлэтигэр киллэрбитэ ыраатта. Бу киин үлэһиттэрэ Дьокуускай куорат өрөспүүбүлүкэтээҕи балыыһа быраастарын кытта биир сүбэнэн, хомусотерапияны неврология салаатын эмтэнээччилэригэр ыыппытара номнуо алтыс сылыгар барда.

“Бу киини Сайыына баар эрдэҕиттэн олус сэҥээрэбин. Духуобунаска, итэҕэлбитигэр, дьон өйүн-санаатын туруктаах оҥорууга кини үлэтин хайысхалара чопчулар, чуолкайдар. Ол иһин Сайыына аатынан Дьокуускайга духуобунас киинэ баара, мин санаабар, биһиги омукпут бу киин көмөтүнэн чөллүйэр, ситэр-хотор. Хомус сеанстарын кэмигэр киһи туруга уларыйара харахха быраҕыллар диэн сыаналыыбыт”, – диэн Иван Алексеев – Хомус Уйбаан кэпсээтэ.

Бэлиэтээн эттэххэ, 1992 сылтан саҕалаан Бүлүү эмчиттэрэ Матвей уонна Елена Алексеевтар хомуһунан эмтээһини саҕалаабыттара. Ол уопуту Хомус киинигэр аҕалан, Дьокуускай балыыһатыгар хос арыйа сылдьыбыттара. Алексеевтар кэлин Краснодарга көһөн, санаторийга манна саҕалаабыт уопуттарын үллэстибиттэрэ.

Салгыы “Саха итэҕэлэ” биэриигэ сиһилии көрүҥ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

19 − пять =

ЛЕНТА НОВОСТЕЙ