«Иэһэ суох уоппуска»: Аэропорка нолуок сулууспата иэстээх дьону тутан төлөттө

Комментарии Общество и политика

Поделиться:

НВК САХА – Саха сиринээҕи нолуок сулууспата суут бириистэптэри кытта кыттыһан, «Иэһэ суох уоппуска» диэн аахсыйаны тэрийдилэр. Аахсыйа чэрчитинэн кинилэр киин куорат аэропордуттан өрөспүүбүлүкэ тас өттүгэр көтөөччүлэри нолуокка иэстэрин бэрэбиэркэлээтилэр.

Нолуок үлэһиттэрэ Дьокуускай куорат аэропордугар сарсыарда 8 чаастан саҕалаан, уопсайа 200-тэн тахса киһини бэрэбиэркэлээтилэр, онтон 20-тэн тахса иэстээх киһини туттулар. Бу дьон онно тутатына иэстэрин төлөөн эрэ баран, көтөр аалы кэтэһэр саалаҕа аастылар.

Дьон-сэргэ иэһин тута аэропорка анал терминалынан, nalog.ru сайтынан итиэннэ gosuslugi.ru порталынан онлайн төлүөн сөп. Инспектордар этэллэринэн, иэс баарын-суоҕун анал сайтарга тус кэбиниэккэ киирэн эрдэттэн бэрэбиэркэлиир уонна төлөөн кэбиһэр ордук. Өскөтүн, иэһи эрдэттэн дьаһамматахха, тас дойдуга тахсар бобуллар.

“Бу сылтан “Нолуок төлөөччү тус кэбиниэтэ” диэн электроннай сервискэ биир кэлим төлөбүр диэн саҥа функция баар буолла. Ол курдук дьон баай-дуол, тимир көлө нолуогун биирдэ төлүөхтэрин сөп. Нолуок төлөбүрүн болдьоҕо кэлиэн иннинэ ол сервискэ харчы угаллар. Оччоҕо, болдьох кэллэҕинэ, инспекция төлөбүрү тутан ылар. Иэстээх буоллаҕына, ол харчыттан тута иэһин усталлар”, – диэн нолуок сулууспатын управлениетын Саха сиринээҕи салаатын судаарыстыбаннай инспектора Евдокия Матвеева эттэ.

Тустаах аахсыйа күһүҥҥэ диэри салҕаныа. Онон инспектордар уоппускаҕа барыах иннинэ иэһи-күүһү сабан, төбө ыарыыта суох сынньана барарга ыҥыраллар. Төлөбүр туһунан туох баар иһитиннэрии nalog.ru порталга ыйыллар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

16 − 3 =

ЛЕНТА НОВОСТЕЙ