Иероманаах Мелетий 41 түгэҥҥэ хаттаан сууттаныа

Комментарии Криминал и происшествие

Поделиться:

НВК САХА – Кыра саастаах оҕоҕо сыһыаннаан буруйу оҥоруунан тэриллибит холуобунай дьыала 41 түгэнин чааһыгар сыһыаннаан иероманаах Мелетий (Ткаченко) кырдьыга тахсан, суут саҥа көрүүтүгэр барда. Дьыала итинтэн атын чааһыгар бириигэбэр оннунан хаалла.

Дьыаланы эмиэ бу иннинээҕи суут, ол эрээри атын састаабынан көрүө. Санаттахха, сэтинньи 28-с кунугэр Хаҥалас улууһун суутун бириигэбэринэн, Ткаченко 46 буруйу оҥорууга түбэһэн, көҥүлэ 17 сылга кытаанах эрэсиимнээх холуонньаҕа быстыбыта. Сууттанааччыттан маны таһынан уйулҕа эмсэҕэлээнинин толуйуу суотугар 400 000 солкуобайы ирдээбиттэрэ.

41 түгэҥҥэ Ткаченко кырдьыга тахсыбыта. Ити эрээри ону кытта борокуруор сөбүлэспэтэҕэ. Өрөспүүбүлүкэ Үрдүкү суутун быһаарыытынан, судаарыстыбаннай буруйдааччы ааһынар туруорсуута сороҕо ылыллан, дьыала хаттаан көрүүгэ барда. Онтон атын чааһыгар бириигэбэр оннунан хаалла.

Сууттанааччы уонна кини адвокаттарын ааһынар үҥсүүлэрэ ылыныллыбата. Бу туһунан Үрдүкү суут пресс-сулууспата иһитиннэрдэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

8 − 7 =

ЛЕНТА НОВОСТЕЙ