«Игра престолов» ааптарыгар Джордж Мартиҥҥа саха статуэткатын тиэртилэр

Комментарии Общество и политика

Поделиться:

НВК САХА – “Игра престолов” аан дойду үрдүнэн киэҥник биллибит сериал геройа Джон Сноу үрүҥ көмүс статуэткатын суруйааччы Джордж Мартин көмөлөһөөччүтүгэр тиэртилэр. Бу туһунан РИА Новости иһитиннэрдэ.

Статуэтканы Санта-Фе куоракка (Аргентина) илдьибиттэр диэн аахсыйа кыттыылааҕа Жанна Ушканова Инстаграм ситимҥэ суруйбут.

Дьокуускайтан бырайыак ааптара Татьяна Егорова статуэтканы Британиятааҕы дизайн үрдүкү оскуолатын уонна МГИМО МВА-бырагыраамаларын кураторыгар Дарья Ядернаяҕа тиэрдибит. Кини көмөтүнэн оҥоһук АХШ-гар тиийбит. Нью Джерсигэ баар Саха сирин кыыһа Ольга Тогуллахова Ушкановтар диэн ыалга биэрбит. От ыйын бүтүүтэ статуэтка суруйааччы көмөлөһөөччүтүгэр Джанет Северанска тиийбит.

Джанет этэринэн, Мартин куоракка суоҕа, ол иһин көрсүһүүгэ кэлбэтэх. Суруйааччы Эллэй статуэтканы оҥорбут дьоҥҥо улахан махталын тиэрдибит уонна хаартыскаларыгар илии баттаабыт. Көмөлөһөөччү этэринэн, роман ааптара, статуэтканы тутта даҕаны, махтанан видео устарга эрэннэрбит.

Саха сирин дьоно ыыппыт статуэткалара 925 боруобалаах үрүҥ көмүстэн кутуллубут. 30 см уһуннаах, үс киилэ кэриҥэ ыйааһыннаах, хара ыстаал сонноох, дьэс алтантан уонна сэлии муоһуттан турар олохтоох. Герой батыйа тутан тутар, батыйата обсидиан биилээх, киинэҕэ этиллэрин курдук, “дракон тааһа”. Статуэтка атаҕар “Тапталы кытта Саха сириттэн Джорд Мартиҥҥа” диэн суруктаах.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

5 × три =

ЛЕНТА НОВОСТЕЙ