«Игра престолов» киинэ оҥорооччуларыгар сахалыы «Оскары» ыытыахтара

Комментарии Главные новости, Спорт и культура

Поделиться:

НВК САХА – “Игра престолов” элбэх сиэрийэлээх киинэни оҥорооччуларга саха норуодунай “Оскарын” бэлэх уунуохтара. Статуэтка Джона Сноу персонаһыгар маарынныыр буолуоҕа. Бу туһунан “360” ханаал иһитиннэрэр.

“Статуэтканы өссө тураах сонуну бүрүммүт гына оҥоруохпут, тоҕо диэтэххэ, биһиэхэ, Саха сиригэр, эмиэ истиэнэ баар. Онон кини киһи аймаҕы тымныыттан харыстыыр истиэнэ харабыла буолуоҕа”, – диэн скульптор Николай Чоччасов эттэ.

Статуэтканы “Леоҕа анаан Оскар” оҥоһуллубут мастарыскыайыгар оҥоруохтара. Оччолорго Леонардо Ди Каприо сүгүрүйээччилэрэ биир айар бөлөххө түмсүбүттэрэ. Кинилэр норуот наҕараадатын оҥорорго үрүҥ уонна кыһыл көмүһү хомуйбуттара. Ол кэнниттэн актерга ыыппыттара. Бу сырыыга статуэтка национальнай уратыбытын эмиэ көрдөрөр буолуоҕа. Ааптардар статуэтканы оҥорорго араас матырыйааллары, ол иһигэр дракон тааһын туттар санаалаахтар.

Хамаанда этэринэн, Саха сирин Өлүөнэ очуостара – киинэҕэ баар истиэнэ уобараһа. “Игра престолов” киинэҕэ истиэнэни Джон Сноу харабыллыыр, оттон Саха сирин истиэнэтин – Эллэй. Кини тоһуттар тымныыттан уонна куһаҕан күүстэн быыһыахтаах. Эспиэрдэр этэллэринэн, истиэнэ бу курдук маарынныыра Саха сиригэр туристары уонна киинэ сүгүрүйээччилэрин тардыа.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

тринадцать − девять =

ЛЕНТА НОВОСТЕЙ