Икки сыл иһигэр өрөспүүбүлүкэҕэ БКЭ-ни туттарыы көрдөрүүтэ 5 %нан үрдээбит

Комментарии Главные новости, Образование и здравоохранение

Поделиться:

НВК САХА – Саха сиригэр БКЭ-ни туттарыы көрдөрүүтэ 2015 сылтан 5 % үрдээбит. Бу туһунан “2012-2019 сылларга үөрэх уонна наука сайдыыта” судаарыстыбаннай бырагыраама 2017 сылга туолуутун туһунан” ыам ыйын 30 күнүгэр Ил Түмэҥҥэ ыытыллыбыт бырабыыталыстыба чааһыгар иһитиннэрдилэр.

“Быйыл дойду үрдүнэн 14 предмеккэ БКЭ-ни туттарыахтара. Нуучча тыла уонна математика – булгуччулаах предметтэр. Ыам ыйын 30 күнүгэр, ол эбэтэр бүгүн, математика базовай таһымыгар эксээмэн бара турар. Бу эксээмэни өрөспүүбүлүкэ үрдүнэн 7 тыһыынчаттан тахса оҕо туттарар. Биллэн турар, үчүгэй көрдөрүүнү ситиһэллэрэ буоллар диэн баҕалаахпын. Бүтэһик эксээмэн от ыйын саҥата буолуоҕа. Бу кэнниттэн эксээмэн түмүктэрин ааҕан-суоттаан бараммыт, Саха сиригэр БКЭ-ни туттарыы быйылгы көрдөрүүтүн таһаарыахпыт”, – диэн СӨ үөрэҕирии уонна наука миниистирэ Владимир Егоров иһитиннэрдэ.

БКЭ-ни үрдүк баалга туттарыы уопсай көрдөрүүтэ 2015 сылтан 2017 сылга диэри 4,6 % үрдээбит.

Саха сирин оҕолоро БКЭ-ҕэ ылбыт баалларын көрдөрүүтэ сыыйа-баайа дойду уопсай көрдөрүүтүн кытта тэҥнэһэн эрэр, ол гынан баран билигин даҕаны хаалыы баар.

Ол курдук 2017 сылга математикаҕа дойду үөрэннээччитин орто баала – 47,1, Саха сирин үөрэнээччитин баала – 47; нуучча тылыгар дойду үөрэнээччитин баала – 69,6, Саха сирин үөрэнээччитин баала – 62,6; физикаҕа дойду үөрэннээччитин орто баала – 53,2, Саха сирин үөрэнээччитин баала – 49; биологияҕа дойду үөрэннээччитин орто баала – 52,6, Саха сирин үөрэнээччитин баала – 39,3. -яв//кс

 

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

2 × три =

ЛЕНТА НОВОСТЕЙ