Ил Дархан Бүлүү суолун оҥорууга көрүллүбүт үбү ороскуоттааһыны бэрэбиэркэлииргэ сорудахтаата

Комментарии Общество и политика, От редакции

Поделиться:

НВК САХА – Бүгүн, от ыйын 22 күнүгэр, Ил Дархан Айсен Николаев бырабыыталыстыбаны кытта мунньаҕар бүддьүөттэн тыырыллыбыт харчы хайдах ороскуоттаммытын бэрэбиэркэлиир туһунан сорудахтары биэрдэ. Чуолаан Бүлүү куоратын суолун боппуруоһугар тохтоото. Ол курдук Бүлүү куоратын баһылыга Ньургустаан Афанасьев суруналыыстар суол туһунан ыйытыыларыгар хоруйдууртан аккаастаммыта өйдөммөтүн бэлиэтээтэ.

Санатан эттэххэ, “Якутия 24” ханаал устар бөлөҕүн полиция отделыгар Бүлүү куоратын мэрин сайабылыанньатынан илдьибиттэрэ. Кэрэспэдьиэн уонна оператор суол уонна социальнай эйгэ өттүгэр балаһыанньа хайдаҕын ыйыппыттарыгар маннык түбэлтэ тахсыбыта. Хампаанньа үлэһиттэрэ полицияҕа барытын быһааран эппиттэрин кэннэ ыыппыттара. Түмүгэр Ньургустаан Афанасьев “Саха” НКИХ салалтатыттан уонна суруналыыстартан бырастыы гыналларыгар көрдөспүтэ.

Ол иннинэ баһылык Николай Харлампьев КВН оонньуутугар кинини супермен уобараһыгар үтүктүбүтүн сөбүлээбэккэ, суукка биэрбитэ. Суут быһаарыытынан Харлампьев дьон иннигэр Афанасьевтан бырастыы гынарыгар көрдөспүтэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять × один =

ЛЕНТА НОВОСТЕЙ