Ил Дархан бирииһигэр ат сүүрдүүгэ кимнээх кытталлара билиннэ

Комментарии Главные новости, Спорт и культура

Поделиться:

НВК САХА – Россия күнүгэр тыа хаһаайыстыбатын академиятын ипподромугар «Маалтааны Куубага» диэн аһаҕас өрөспүүбүлүкэтээҕи ат сүүрдүүтэ буолла. Манна Саха сирин араас муннугуттан ат сүүрдүүтүн таптааччылар муһуннулар.

Бу сүүрүү Ил Дархан бирииһигэр сүүмэрдиир буолан, ордук интэриэһи тарта. Ол курдук, быйыл Саха сиригэр саҥа сүүрэр Аммалар Мейзи Кингнара аттара кыл мүлчү биэтэккэ үһүс киирэн, өрөспүүбүлүкэ сүрүн сүүрдүүтүгэр талылынна. Оттон намнар Есауллара холкутук бастаан, тоҕус бастыҥ ахсааныгар киирдэ. Маныаха, ат табыллан сүүрэригэр жокей быһаччы оруоллаах.

«Сүүрүүк ат эмиэ спортсмен курдук эрчиллэр. Күн аайы сүүрэр, иккитэ-үстэ хатылыыр. Кыра аайы сылайбат», – диир ат сүүрдээччи Иннокентий Иванов.

Былырыыҥҥы Ил Дархан бирииһин кыайыылааҕа Форлан бүтэһик кэлэн, көрөөччүлэри соһутта. Ол оннугар чурапчылар Анкэндилара бастаан, 300 тыһыынча солкуобайынан наҕараадаланна. Маныаха Форлан быһа ааһар путевкалаах буолан, өрөспүүбүлүкэ сүрүн сүүрдүүтүгэр эмиэ кыттыаҕа.

«Былырыыҥҥыттан сүүрүүк аттар даҕаны, уопсай тэрээһин даҕаны таһыма үрдээтэ», – диир Саха сирин ат спордун бэдэрээссийэтин бэрэсидьиэнэ Иван Слепцов.

Онон бу талыллыбыт уон бастыҥ быһый ат бэс ыйын 30 күнүгэр Үс Хатыҥ ипподромугар Ил Дархан бирииһин иһин илин-кэлин түсүһүөхтэрэ.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять − три =

ЛЕНТА НОВОСТЕЙ