Ил Дархан дойду экономическай сайдыытын миниистирин кытары көрүстэ

Комментарии Главные новости, Общество и политика

Поделиться:

НВК САХА –  СӨ баһылыга Айсен Николаев дойду экономическай сайдыытын миниистирин Максим Орешкины кытары көрсөн, Өлүөнэ эбэни туоруур муостаны тутууну 2024 сылга диэри магистральнай тутууну биир кэлим сайыннарыы былааныгар киллэриини дьууллэстэ диэн регион бырабыыталыстыбатын пресс-сулууспата иһитиннэрдэ. Бу кэмҥэ бырайыагы олоххо киллэрии боппуруоһа концессионнай сөбүлэһии төрдүгэр турар. «Өлүөнэни туоруур муостаны дойду инфраструктуратын сайыннарыы биир кэлим былааныгар киллэрии хаһаайыстыбаннай эргитиигэ төгүрүк сыл транспорынан хааччыйыы барыһа аан дойду таһымыгар тиийэр суолталаах» – Айсен Николаев санаатын үллэһиннэ.
Биир кэлим былаанна салгын транспорын уонна электроэнергетика обьектара киирдилэр. Маныаха Айсен Николаев былааҥҥа Саха сирин нэһилиэнньэтин олоҕун тупсарар уонна экономика күрэстэһэр кыаҕын үрдэтэр инниттэн саҥа бырайыагы чуолаан Өлүөнэни туоруур муостаны киллэриэххэ сөп диэн эттэ. Көрсүһүү түмүгүнэн миниистир Максим Орешкин солбуйааччыларыгар СӨ правительствотын кытары бииргэ өрүһү туоруур муоста экономическай көдьүүһүн толору чинчийэн, бүтэһиктээх суоттааһыны оҥороллоругар сорудахтаата. Бу көрсүһүүгэ өрүттэр 2019 сыл тохсунньу ый 1 күнүттэн Саха сирин киин уонна арҕаа оройуоннара Уһук илин сыаната суох электроэнергия саҥа тарыыбыгар көспүттэрин дьүүллэстилэр. Мантан сиэттэрэн хоту улуустарга уот тарыыба улаатарын бэлиэтээн туран Айсен Николаев федеральнай миниистиртэн дойду правительствотыгар электроэнергия тарыыбын тэҥнээһини дьүүллэһиигэ өрөспүүбүлүкэҕэ бигэргэммит тарыыбы эмиэ көрөрү туруоруста.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять × два =

ЛЕНТА НОВОСТЕЙ