Егор Борисов сонуну киэҥник тарҕатар ситим кылаабынай редактордарын кытта көрүстэ (ВИДЕО)

Комментарии От редакции

Просмотров: 21

NVK-ONLINE.RU – Сонуну киэҥник тарҕатар ситим үлэһиттэрэ буруйу, быһылааны эрэ буолбакка, республика олоҕор көстөр үтүө түгэннэри эмиэ кэпсиэхтээхтэр. Россия бэчээтин күнүн көрсө, тохсунньу 12 күнүгэр Ил Дархан Егор Борисов тустаах эйгэ кылаабынай редактордарын кытта көрүстэ.

Манна кини общество уйулҕата хаһыакка туох сурулларыттан, телевидение, радио уонна Интернет ситимигэр тугу сырдаталларыттан улаханнык тутулуктанар итиэннэ иһитиннэрии дьиҥ чахчыга олоҕуруохтаах диэн бэлиэтээтэ.

Кылаабынай редактордар бэйэлэрин өттүттэн, ситэриилээх былаас уорганнарын кытта ыкса үлэлиир тоҕоостооҕун ыйдылар. Ол иһигэр кинилэр, суруналыыстар эрэ буолбакка, нэһилиэнньэ ортотугар көстөр кэккэ кыһалҕаны сырдаттылар. Маныаха оскуола тиийбэтин, үөрэхтээһин хаачыстыбатын, кадрынан хааччыллыы о.д.а. боппуруостары эмиэ таарыйдылар.



Добавить комментарий

Ваш e-mail не будет опубликован. Обязательные поля помечены *