Ил Дархан оҕо төрөөһүнүн өйүүргэ саҥа ыйаах таһаарда

Комментарии Главные новости, Общество и политика

Поделиться:

НВК САХА – Ил Дархан Айсен Николаев бүгүн, олунньу 14 күнүгэр, Саха сиригэр оҕо төрөөһүнүн өйүүргэ аналлаах миэрэлэр туһунан ыйаах таһаарда. Ыйаах өрөспүүбүлүкэ сайтыгар таҕыста.

Тохсунньу 1 күнүттэн Саха сирин олохтоохторо бастакы оҕолоругар (эбэтэр иитэ ыллахтарына) биирдэ бэриллэр төлөбүр оҥоһуллар. Иккис оҕоҕо өрөспүүбүлүкэтээҕи ийэ хапытаала көрүллэр (ийэ хапытаалыттан 30% кээмэйдээх төлөбүр).

Үһүс уонна онтон кэлэр оҕолорго үс саастарын туолуохтарыгар диэри, дьиэ кэргэн ыйдааҕы орто дохуота боруогу аһарбат буоллаҕына, оҕо тиийинэн олорор кээмэйин саҕа төлөбүр ый аайы бэриллэр.

Владимир Солодов кулун тутар 1 күнүгэр диэри бу сыалга хантан үбүлэнэри быһаарарыгар уонна үбү-харчыны биэрэри бэрээдэктииригэр сорудахтаатылар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

3 × 2 =

ЛЕНТА НОВОСТЕЙ