Ил Дархан Усуйаанаҕа үлэлиир

Комментарии Общество и политика

Поделиться:

НВК САХА – Ил Дархан Айсен Николаев бүгүн Усуйаанаҕа оробуочай сырыытыгар оройуон бырамыысыланнаһынан сайдар кэскилин тоһоҕолоон бэлиэтээтэ диэн бырабыыталыстыба пресс-сулууспата иһитиннэрэр.

«Сэбиэскэй кэмҥэ Усуйаана оройуонугар хорҕолдьуну хостуур биир бөдөҥ хайаны-байытар кэмбинээт үлэлиирэ. Бүгүн манна үрүҥ көмүһү уонна көмүһү хостууллар. Усуйаанаҕа Күчүс диэн аан дойдуга саамай улахан көмүс хостонор сирэ баар. Маны баһылыырга ураты сыһыан наада», — диэн Айсен Николаев эттэ.

Ил Дархан хоту сир олохтоохторо күүстээх өйөбүлгэ наадыйалларын бэлиэтиир.

«Тумат бөһүөлэгэр  уһуйааҥҥа, оскуолаҕа, култуура дьиэтигэр, саҥа хочуолунайга сырыттым, олохтоохтору кытары көрсүһэн үлэни-хамнаһы билистим. Киин сиртэн ыраах уонна тыйыс усулуобуйаҕа олордоллор даҕаны олохтоох нэһилиэнньэ күүстээх санаалааҕа киһини сөхтөрөр, үгэс буолбут өбүгэлэрин дьарыгын сайыннарар инники былааннара киһини үөрдэр. Маннык бөһүөлэктэр көмөҕө, сөптөөх өйөбүлгэ наадыйаллар», — диэн баһылык бэлиэтээтэ.

Айсен Николаев бырамыысыланнас сайдар кэскиллээх сирин баһылааһыны чинчийэн көрдө итиэннэ «үлэ барыан сөп» диэн быһаарда.

Ил Дархан Тирэхтээх хорҕолдьун хостонор сиригэр уонна Тумат сэлиэнньэтигэр сырытта.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

20 − 1 =

ЛЕНТА НОВОСТЕЙ