Ирина Высоких: Олорор дьиэлэргэ хостеллары боптоххо, бу эйгэҕэ көҥүлэ суох үлэлиир дьон элбиэ

Комментарии Общество и политика

Поделиться:

НВК САХА – СӨ урбаан, атыы-эргиэн уонна туризм миниистирэ Ирина Высоких олорор дьиэлэргэ хостеллары бобор туһунан сокуону ылынарга бу эйгэҕэ үлэлиир дьон үчүгэйдик бэлэмнэниэхтээхтэр диэн эттэ.

Судаарыстыбаннай дума олорор дьиэҕэ маҥнайгы этээстэн үрдүккэ хостел оҥорору бобор туһунан сокуон барылын ылыммыта. Ол эрээри Федерация Сэбиэтэ бу сокуон барылын аккаастаабыта. Онон дөкүмүөнү хамыыһыйа ситэ оҥороругар ыыппыттара.

“Бу эйгэҕэ дьоҕус уонна орто урбаанынан дьарыктанар дьоҥҥо этиилэрбитин бэлэмниибит. Туризм урбаанын сайыннара сатыыр буоламмыт, бу боппуруос сытыытык турда. Дьокуускайга 100 кыра гостиница уонна 30 хостел баар, олор туһунан дьиэҕэ тураллар. Бу сокуон күүһүгэр киирдэҕинэ, онно үчүгэйдик бэлэмнэммэтэхпитинэ, көҥүлэ суох урбаан эмиэ күөдьүйэн тахсыа”, – диэн миниистир эттэ.

Дьокуускайга кыра гостиницалары уонна хостеллары бас билэр дьон эппиэтинэстээхтик үлэлэригэр сыһыаннаһаллар диэн миниистир бэлиэтээн эттэ. Ол курдук урбаанньыттар гостиницаларын нуормаҕа эппиэттиир гына оҥороллор.

Ирина Высоких этэринэн, билигин министиэристибэ дьиэни олорбот тутууга көһөрөр туһунан ыйынньык бэлэмниир. Ону таһынан бу үлэ түргэтиирин туһугар миэрэлэри толкуйдууллар.

Ону таһынан, урбаанньыттан тутулуга суох үгүс гостиницалар нуормаҕа эппиэттиир кыахтара суох диэн миниистир бэлиэтээтэ. Дьиэ биир өттүтэ суолга тахсар буоллаҕына, хостелга киирэр туспа ааны оҥорор сатаммат.

“Аан бастакынан тутууларын олорбот дьиэҕэ көһөрбөккө хаалбыт дьоҥҥо уустук буолуо. Быраабыла түргэнник уларыйар, оттон биһиги федеральнай сокуонтан тутулуктанабыт. Билигин бииргэ үлэлиир дьоммутун кытта түмсэн, судаарыстыбаннай дума дьокутааттара ирдэбиллэри барытын учуоттуулларыгар сурук бэлэмнии сылдьабыт”, – диэн Высоких эттэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

одиннадцать − один =

ЛЕНТА НОВОСТЕЙ