Искэҥ ыарыыларыттан хайдах харыстанар туһунан онколог быраас сүбэтэ

Комментарии Образование и здравоохранение

Поделиться:

НВК САХА – Табахтан аккаастаныы, сөптөөх аһылык уонна хамсаныы – искэҥ ыарыыларыттан харыстанарга саамай үчүгэй ньыма диэн бэрэпиэссэр, Гейдельберг куоракка баар онкология чинчийэр киинин дириэктэрэ Михаэль Бауманн эттэ диэн РИА Новости суруйар.

Онколог эппитинэн, искэҥ 30% табахтан тахсар. Онон бу куһаҕан дьаллыгы уталыппакка быраҕар ордук. “Cөптөөх аһылык уонна хамсаныы-имсэнии” искэҥ ыарыыларыттан харыстыан сөп диэн Бауманн эттэ.

Сыл аайы олунньу 4 күнүгэр аан дойду үрдүнэн искэҥи утары охсуһар күн бэлиэтэнэр.

Арассыыйа доруобуйа харыстабылын министиэристибэтин дааннайынан, сыл аайы искэҥинэн ыалдьар дьон ахсаана элбии турар. Ааспыт сылга эбии 617 тыһыынча ыарыы баар буолбута бэлиэтэммит, ол эбэтэр 2017 сыллааҕар 20 тыһыынчанан элбэх.

Аан дойду үрдүнэн быраастар барыта 18 мөл искэҥ ыарыытын булбуттар, оттон 9,6 мөл киһи ыалдьан өлбүт.

Олунньу 4 күнүгэр өрөспүүбүлүкэ үрдүнэн медицина тэрилтэлэрэ искэҥ кутталлаах ыарыыларын эрдэттэн буларга, нэһилиэнньэ доруобуйатыгар болҕомтотун уурарыгар, онкология ыарыыларын туһунан иһитиннэриигэ, онтон хайдах харыстанарга туһуламмыт тэрээһиннэри ыытыахтара.

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пятнадцать + четыре =

ЛЕНТА НОВОСТЕЙ