Өймөкөөн улууһугар 2019 сылга култуура уонна успуорт комплексатын, оскуоланы үлэҕэ киллэрэр былааннаахтар

Комментарии Общество и политика

Поделиться:

НВК САХА – Юрий Куприянов салайааччылаах бырабыыталыстыба бөлөҕө Өймөкөөн улууһугар отчуоттаата. Быйыл улууска 129 мөлүйүөн солкуобайы көрүөхтэрэ. Бу туһунан СӨ култуура уонна духуобунай сайдыы министиэристибэтэ иһитиннэрэр.

Көрүллэр харчынан Хара Тумулга оҕо уһуйаанын, Үчүгэйгэ оскуоланы, Уус Ньараҕа уонна Төрүккэ элбэх өҥөнү биир сиргэ толорор кииннэри тутар былааннаахтар. Маны таһынан Үчүгэйгэ, Орто Балаҕаҥҥа, Томторго уонна Өймөкөөҥҥө эдэр исписсэлиистэргэ олорор дьиэ тутуохтара.

Мунньахха эппиттэринэн, 2019 сылга Өймөкөөн улууһугар култуура уонна успуорт комплексатын, Томторго оскуоланы үлэҕэ киллэрэр былааннаахтар. Ону таһынан култуура министиэристибэтэ култуура дьиэтигэр мал атыылаһалларыгар анаан 1 мөлүйүөн 750 тыһыынча солкуобайы ыытыахтаах.

Дьарыктаах буолуу түмүгүн эттэххэ, 2018 сыл устата 185 киһи үлэ булбут. Эбии үөрэххэ аҕыс үлэтэ суох киһини ыыппыттар. Үс киһи бэйэ дьыалатын арынарыгар 304 тыһыынча солкуобайынан көмөлөспүттэр.

Нэһилиэнньэни кытта көрсүһүү Төрүт, II Бороҕон, Сордоҥноох, Үчүгэй, Өймөкөөн нэһилиэктэригэр уонна Аартык бөһүөлэгэр ыытылынна. Түмүктүүр мунньаҕы Уус Ньараҕа СӨ бырабыыталыстыбатын бэрэссэдээтэлэ Владимир Солодов ыытта.

Былырыын инвестиция бырагырааматын иитинэн Өймөкөөн улууһа Томторго оскуола тутуутугар, хаарбах туруктаах дьиэттэн көһөрүүгэ уонна эдэр ыаллары дьиэнэн хааччыйыыга 37 мөлүйүөн солкуобайы ылбыт.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

три × два =

ЛЕНТА НОВОСТЕЙ