Өймөкөөҥҥө оҕолор саҥа хочуолунай аатын толкуйдуохтара

Комментарии Общество и политика

Поделиться:

НВК САХА – Өймөкөөн сэлиэнньэтигэр саҥа хочуолунай аатын толкуйдуурга оҕолорго куонкурус биллэрдилэр. Бу тэрээһини “Теплоэнергосервис” кулун тутар 1 күнүттэн муус устар 26 күнүгэр диэри ыытар. Өймөкөөҥҥө саҥа тутуу быйыл балаҕан ыйыгар үлэҕэ киириэ.

Хас биирдии оҕо хочуолунай аатын толкуйдуон сөп. Аат киһи өйүгэр хатанар, аныгылыы, хочуолунай уратытын көрдөрөр буолуохтаах, ол эрээри икки тылтан элбэх буолуо суохтаах.

“Теплоэнергосервис” маннык куонкуруһу маҥнайгытын ыытар, оҕолор болҕомтолорун оробуочай идэҕэ тардар сыаллаах. Үөрэхтэрин бүтэрэн, төрөөбүт дойдуларыгар туһалаах буолуо этилэр”, – диэн “Теплоэнергосервис” генеральнай дириэктэрэ Илья Горбунов эттэ.

Баһылык, Өймөкөөн кырдьаҕастара, “Теплоэнергосервис” салалтата уонна тутааччылар куонкуруһу сыаналыахтара. Кыайыылаахха сыаналаах бириис уонна диплом туттарыахтара. Ону таһынан бастыҥ ааты толкуйдаабыт оҕо хочуолунай үөрүүлээх аһыллыытыгар аалай лиэнтэни быһыаҕа.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девять + девять =

ЛЕНТА НОВОСТЕЙ