Өймөкөөҥҥө суол инспекцията оскуола оҕолорун кытта сэрэтэр үлэни ый аайы ыыталлар (ВИДЕО)

Комментарии Общество и политика

Просмотров: 14

NVK-ONLINE.RU – Өймөкөөн улууһун киинигэр, Уус Ньара бөһүөлэгэр, суолга сэрэхтээх буолуу инспекцията ый аайы оскуола үөрэнээччилэрин кытта “Арыгы уонна суоппар бэйэ-бэйэлэригэр сөп түбэспэттэр” акцияны тэрийэн ыытар. Маннык тэрээһиҥҥэ сүрүннээн Игорь Хоменко аатынан бастакы нүөмэрдээх оскуола Ис дьыала органын кылааһын үөрэнээччилэрэ кытталлар.

Бу күн Автоинспекция үлэһиттэрэ уонна үөрэнээччилэр бөһүөлэк иһигэр айанныыр суоппардарга анаан уруулга итирик туруктаах олорботторун туһугар оҕолор уруһуйдарын түҥэттилэр.

Билигин үөрэнээччилэргэ сааскы каникуллара саҕаланна, таһырдьа халтараан, кутталлаах. Онон Автоинспекция үлэһиттэрэ төрөппүттэргэ суолга сэрэхтээх буолуу быраабылатын оҕолоругар саната сылдьалларыгар ыҥырар.



Добавить комментарий

Ваш e-mail не будет опубликован. Обязательные поля помечены *

три × 5 =