Көҥүл тустуу аан дойдутааҕы Кубогар бэлэмнэнии үгэнэ

Комментарии От редакции

Поделиться:

НВК САХА – Кулун тутар 16-17 күннэригэр Дьокуускайга ыытыллар көҥүл тустуу аан дойдутааҕы Кубогар бэлэмнэнии үлэтэ көдьүүстээхтик барар.

Көҥүл тустуу аан дойдутааҕы Кубогын үөрүүлээх аһыллыытыгар уопсайа 500 кэриҥэ киһи кыттыаҕа. Ол курдук Саха судаарыстыбаннай циркэтин артыыстара, филармония оркестра, Клавдия, Герман Хатылаевтар салайар “Тэтим” этно-бөлөҕө, “Гулун”, “Эрэл” уонна култуура кэллиэһин үҥкүү бөлөхтөрө кыттыахтара.

“Кубок ыытылларыгар, биллэн турар, эппиэтинэстээхтик сыһыаннаһабыт. Олус долгуйабыт. Билиҥҥи кэмҥэ тиэхиньикэтэ, аппаратурата суох тэрээһин ыытыллыбат. Ол барыта холбоһон, тэрээһин үөрүүлээх аһыллыытын сиэрэ-туома буолуохтаах”, – диэн режиссер Алексей Константинов эттэ.

Кубок үөрүүлээх аһыллыытыгар саха төрүт култууратын бүтүннүү кылгас кэм иһигэр чаҕылхайдык көрдөрөргө бэлэмнэнэллэр, ону таһынан бу күн хотугулуу тыын эмиэ баар буолуоҕа диэн тэрийээччилэр бэлиэтииллэр.

“Маннык тэрээһиннэр, бастатан туран, саха дьонун сомоҕолууллар. Ол олус үөрүүлээх уонна долгутуулаах, тоҕо диэтэххэ, атын дойдулартан кэлбит дьоҥҥо култуурабытын көрдөрөбүт, кинилэри уруйдаан-айхаллаан көрсөбүт”, – диэн балетмейстер Изабелла Егорова бэлиэтээтэ.

Аан дойду араас муннугуттан мустубут ыалдьыттар театрализованнай дьүһүйүүгэ саха төрүт култууратын, үгэһин, сиэрин-туомун 30 мүнүүтэ иһигэр бүтүннүү көрүөхтэрэ.

Оттон Саха сирин олохтоохторо аан дойду Кубогын иһин киирсии аһыллыытын күөх экранынан быһа эфиргэ көрөр кыахтаныахтара. Ол курдук тэрээһин “Саха” НКИХ, “Якутия 24” уонна “Мамонт” ханаалларга субуота күн 16.00 чааска көстүөҕэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

5 × три =

ЛЕНТА НОВОСТЕЙ