Көҥүл тустуу аан дойдутааҕы Кубогар кыттар хамаандалар бары Дьокуускайга кэллилэр

Комментарии Главные новости, Спорт и культура

Поделиться:

НВК САХА – Көҥүл тустуу аан дойдутааҕы Кубогар кыттар хамаандалар бары Дьокуускайга көтөн кэллилэр. Кулун тутар 15 күнүгэр сарсыарда Иран, Турция уонна Куба сүүмэрдэммит хамаандалара Саха сиригэр үктэннилэр.

Куба хамаандатыгар 10 спортсмен киирдэ, ону таһынан тириэньэрдэр, быраастар уонна судьуйалар бааллар. Тириэньэр этэринэн, спортсменнар туруктара үчүгэй, айаҥҥа сылайбатахтар. Аан дойдутааҕы чөмпүйүөн, Куба олохтооҕо Йовлис Боне Родригес кыайыам диэн эрэнэр.

“Билиҥҥи чөмпүйүөнү Заубрек Сидакову билэбин. Онон кинини кытта кииристэхпинэ, бэрт буолуо этэ. Хапытаан буоларым быһыытынан, хас биирдии спортсмен күүстээх утарылаһааччы буолуон сөп диибин”, – диэн Родригес кэпсээтэ.

2016 сыллаах Олимпийскай чөмпүйүөн уонна көҥүл тустууга аан дойду чөмпүйэнээттэрин үс төгүллээх кыайыылааҕа Абдулрашид Садулаев эрчиллэ сылдьан эчэйэн, Дьокуускайга ыытыллар көҥүл тустуу Кубогар кыттыбат буолла. Онон сүүмэрдэммит хамаанда бас-көс киһитинэн Заурбек Сидаков буолуоҕа. Кини – Арассыыйа сүүмэрдэммит хамаандатын аатырбыт спортмена, 2018 сылга аан дойду чөмпүйүөнэ, Арассыыйа элбэх төгүллээх кыайыылааҕа.

Көҥүл тустуу аан дойдутааҕы Кубога Дьокуускайга кулун тутар 16-17 күннэригэр ыытыллыаҕа. “Саха” НКИХ, “Якутия 24” уонна “Мамонт” ханааллар күрэхтэһиини быһа көрдөрүөхтэрэ.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

18 + 12 =

ЛЕНТА НОВОСТЕЙ