Көҥүл тустуу Кубогар Чингисхан Эрдоган уонна Фатих Эрдин Турция сүүмэрдэммит хамаандатын салайыахтара

Комментарии Спорт и культура

Поделиться:

НВК САХА- Турция сүүмэрдэммит хамаандатын састааба билиннэ. Ол курдук тустууктар испииһэктэригэр бас-көс спортсменнар, олор истэригэр 2016 сыллаахха Рио-де-Жанейроҕа ыытыллыбыт олимпиада чөмпүйүөнэ Таха Акгюль суохтар. Бу туһунан аан дойдутааҕы Кубок сайтыгар суруллар.

Аан дойдутааҕы Кубок хамаандатыгар Турция сүүмэрдэммит хамаандатын лидердэрэ Сулейман Атли, Якуп Гор, Демирташ Сонер, Мустафа Кайа, Яшар Селим уо.д.а. киирбэтилэр.

Ол эрээри, төһө да аан дойду таһымнаах, аатырбыт-сураҕырбыт бөҕөстөрө суоҕун иһин, Турция сүүмэрдэммит хамаандата Дьокуускайга кэлэн күөн көрсүһүө. Хамаанданы 2018 сылга аан дойду чөмпүйэнээтин үрүҥ көмүс призерэ Фатих Эрдин (86 кг) уонна Европа үс төгүллээх чөмпүйүөнэ Чингисхан Эрдоган салайыахтара. Тываттан сылдьар Турция легионера 65 кг диэри ыйааһыҥҥа киирсиэ.

61 кг диэри ыйааһыҥҥа Седат Оздемир күөн көрсүһүө. Кини Европаҕа бастыыр иһин күрэхтэһии үрүҥ көмүс призерэ, 2017 сыллаахха аан дойдуга бастыыр иһин боруонса призерэ. 57 кг диэри чэпчэки ыйааһыҥҥа Али Карабога киирсиэ, кини 2013 сыллаахха Испания Гран-при күрэҕэр кыһыл көмүс мэтээли ылбыта.

Санатар буоллахха, көҥүл тустуу аан дойдутааҕы Кубогар Турция сүүмэрдэммит хамаандата Арассыыйа, Япония уонна Куба хамаандаларын кытта күөн көрсүһүө.

Турция сүүмэрдэммит хамаандатын састааба:

Али Карабога (до 57 кг)

Седат Оздемир (до 61 кг)

Чингисхан Эрдоган (до 65 кг)

Серхат Арслан (до 70 кг)

Назим Селами Кара (до 74 кг)

Абдулкадир Озмен (до 79)

Фатих Эрдин (до 86 кг)

Сулейман Карадениз ( до 92 кг)

Али Бончеоглу (до 97 кг)

Абдулла Омак (до 125 кг).

 

 

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемнадцать − семь =

ЛЕНТА НОВОСТЕЙ