Көрбөттөр обществолара сирдэрин былдьатыахтарын сөп

Комментарии Общество и политика

Поделиться:

НВК САХА – Дьокуускай куорат Краснояров уулуссатын 15 нүөмэрдээх дьиэтэ. Өссө 60-с сыллартан субу дьиэ Островскай аатынан кулууп буолан илиилэрин иминэн сирдэтинэр дьоҥҥо араас тэрээһин ыытыллара, общественнай тэрилтэ үлэтэ манна кииннэнэрэ.

2008 сыллаахха көрбөттөр республикатааҕы обществолара саҥа аадырыска көспүтэ. Ол да буоллар мас тутуу уонна сир-уот общественнай тэрилтэ бас билиитигэр киирэр. Ити эрээри күн бүгүн бу кураанах учаастак этэргэ дылы мөккүөр, кыһалҕа төрүөтүнэн буолла.

Быһатын эттэххэ, ыйааһын бэскитигэр учаастак эбэтэр реабилитациялыыр киин дуу диэн боппуруос турар. Өскөтүн тыл-тылга кииристэххэ, саҥа киин Лермонтов уулуссаҕа аны саас силигэ ситэр. «Тутуу 118 кв миэтэрэ иэннээх, бэл диэтэр анал оборудованиенан толору хааччыйарга бэлэммит», – диэн ДСК тутааччылара мэктиэлииллэр.

Онтон бу этиини общественнай тэрилтэ төрдүттэн ахсарбакка, тутуу барар да буоллаҕына, бэйэлээх-бэйэбит учаастакпытыгар олорор дьиэ дьэндэйиэхтээх диэн туруорсар.

Аны биир өттүттэн ыллахха, реабилитациялыыр киин үлэҕэ киирдэҕинэ, үрдүттэн хаачыстыбалаахтык эмтэнэр усулуобуйа тэриллэр.

Иэрэн-сааран балаһыанньаны өссө биир түгэн сытыырхатар. Кураанах учаастак ыһыллан-тоҕуллан турарын иһин, общественнай тэрилтэ 50 тыһыынча ыстырааптаммыт.

«Счеттары хааччахтааһын өссө кыра, иэс-куус мунньуллан букатын да учаастактан ытыс соттон хаалыахха сөп. Ол иһин бастаан уопсай күүһүнэн сири-уоту өрө тардан, эргэ дьиэни көтүрэр ордук», – диэн Елена Голомарева санаалаах, ол эрэн кэннэ тутуу боппуруоһа.

Реабилитациялыыр киин, учаастак, эбэтэр олорор дьиэ мантан хайата диэн ыйытыы күн бүгүн салгыҥҥа ыйанар. Арай биири бэлиэтээтэххэ, билигин көрбөттөр обществолара икки аҥаар тыһыынча чилиэннээх буоллаҕына, республикаҕа күн сырдыгын көрбөт 850 оҕо баар.



Поделиться:




Добавить комментарий

Ваш e-mail не будет опубликован. Обязательные поля помечены *

19 − восемнадцать =

ЛЕНТА НОВОСТЕЙ