«Күрэхтэһиигэ бэлэммит!». Саха сирин оҕолоро эрчиллии үгэнигэр сылдьаллар

Комментарии От редакции

Поделиться:

НВК САХА- Сахалиҥҥа биир бастакынан 22 киһиттэн турар  хоккеистар хамаандалара кэлбитэ. Кинилэр дьарыктарын “Восток” успуорт киинигэр тохсунньу 26 күнүттэн саҕалаабыттара.

Хамаанда састаабын Уһук Илин күрэҕин кэннэ чопчулаабыттара. “Азия оҕолоро” оонньуулар ареналарыгар уопсайа тоҕус хамаанда күөн көрсүөҕэ.

“Биһиги манна 22 буолан сылдьабыт. Күҥҥэ иккитэ дьарыктанабыт. Күрэхтэһиигэ бэлэммит, үчүгэйдик дьарыктана сылдьабыт”, – диэтэ хамаанда кыттыылааҕа Ярослав Егоров.

Уолаттарбыт Арассыыйа эрэгийиэннэрин кытта оонньообут буоллахтарына,  Кувейт, Япония, Казахстан хоккеистарын кытта аан маҥнайгыларын көрсүөхтэрэ.

Оттон хайыһардьыттар Сахалин арыытын булбуттара биир ый буолла. “Азия оҕолоро” оонньууларга олунньу 9 күнүгэр спринт сүүрүөхтэрэ.

Трассаҕа сүүрүү хайдах түмүктэнэрэ хайыһардьыттан эрэ буолбакка, бүтүн биригээдэтэттэн эмиэ улахан тутулуктаах. Манна күн-дьыл, салгын сиигэ барыта учуоттанар.

Хамаандаҕа 12 оҕо киирдэ. Спринт кэннэ 5, 10 км хаҥкынан сүүрүү, икки уолтан, кыыстан турар эстафета, ону тэҥинэн сэрэбиэйинэн доҕордоһуу эстафетата ыытыллыахтара.

“Манна кэлиэхпит үс ый иннинэ атын сирдэргэ эрчиллиилэргэ сылдьыбыппыт. Араас куораттары кэрийбиппит. Маннааҕы трасса арыый ыарахан курдук, ол да буоллар, бэлэммит”, – диэтэ хамаанда кыттыылааҕа Сардаана Черкашина. 

Биатлонистар дьарыктарын бүгүн саҕалыыллар. Өрөбүл күн күрэхтэһиигэ тахсыахтара.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

тринадцать + три =

ЛЕНТА НОВОСТЕЙ