Кангаласка уу кутталлаах таһымтан 126 см намыһах

Комментарии Общество и политика

Поделиться:

НВК САХА – Табаҕаҕа уу таһыма 1125 см тэҥнэстэ. Кутталлаах таһым 970 см, муус хойуутук устар. Дьокуускайга уу таһыма таһыма 668 см, кутталлаах таһым – 990, муус хойуутук устар.

Кэлэр күннэргэ Дьокуускайга уу таһыма 700 см диэри үрдүүрэ сабаҕаланар. Оттон Табҕаҕа – 1160 см, ону тэҥэ Хаҥалас оройуонун Хоточчу уонна Өктөм нэһилиэктэригэр.
Өлүөнэ өрүс мууһа Алдан тамаҕар тахсыыта (муус харыыта суох) ыам ыйын 19-20 күннэригэр күүтүллэр, бу Алдан өрүс тамахха тахсыытыттан биир суукка хойут.

Алдан өрүс мууһун устуута Томпо оройуонун Охотскай Перевоз, Хаандыга, Кэскил, Мэҥэ-Алдан нэһилиэктэригэр уу таһымын үрдэтиэҕэ. Ону тэҥэ Таатта оройуонун Уус Таатта уонна Хара Алдан нэһилиэктэригэр намыһах сирдэри уу ылыаҕа.

Таатта оройуонугар икки нэһилиэк ууга баран турар – Харбалаах уонна Чымнаайы. 489 киһи олорор 216 тэлгэһэтигэр уу киирдэ. Мантан 42 олорор дьиэ. Бары олохтоохтор бириэмэтигэр аймахтарынан уонна билэр дьоннорунан көспүттэрэ.

Кэлэр күннэргэ Чурапчы Мыралатыгар, Таатта Даайа Амматыгар, Харбалааҕар уонна Чымнаайытыгар уу таһыма кыралаан түһэрэ күүтүллэр. –ай//фа

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемь + 1 =

ЛЕНТА НОВОСТЕЙ