Кэбээйи оскуолатыгар тахсыбыт быһылааны силиэстийэлииллэр (ВИДЕО)

Комментарии Криминал и происшествие

Просмотров: 110

NVK-ONLINE.RU – Муус устар 12 күнүгэр Кэбээйи улууһун Куокуй орто оскуолатыгар тастан киирбит нэһилиэк олохтооҕо оскуола үөрэнээччитин быһаҕынан бааһырдан, өтөрүнэн буолбатах быһылаан тахсан, бүтүн нэһилиэнньэни аймаата.

Ааспыт нэдиэлэтээҕи оҕо эчэйиилээх быһылаан кэнниттэн кыра нэһилиэк оскуола уу-нуһаран олохторо атыйахтаах ууну аймаабыттыы оргуйан олорор. Уруок кэмигэр уулуссаттан киирбит киһи оскуола үөрэнээччитин канцелярскай быһаҕынан дэҥнээбит. Оскуолаҕа билигин 6 ис, 1 тас камера холбонон тураллар. Ити эрээри дьон сылдьар эрэ өттүн хабаллар эбит. Икки вахтер күнүһүн алталыы чаас буолан солбуйсан, түүҥҥү өттүгэр 3 остуорас үлэлииллэр.

Оскуолаҕа кэмиттэн кэмигэр былааннаах “антитеррор”, “охрана труда, техника безопасности” чэрчитинэн инструктажтар ыытыллаллар. Быһылаан кэнниттэн Ис дьыала өттүттэн силиэстийэ, служебнай бэрэбиэркэ бара турар. Оскуола хас биирдии үөрэнээччитин, педколлективы, техперсоналы, төрөппүттэри кытта сэрэхтээх буолууга былааны таһынан бэсиэдэлэр бараллар.

Куокуй нэһилиэгэр иккис сылын арыгы атыыламмат. Иһиэн баҕалаахтар үүт-хайаҕас булан, кэлэр-барар дьонунан сакаастаһан, арыгы ылларан, маннык биирдиилээн буруйу оҥорор,  киһи олоҕор кутталы үөскэтэр түбэлтэлэрэ тахса тураллара хомолтолоох.

Дьолго, үөрэнээччи доруобуйата этэҥҥэ, сотору үөрэ5эр тахсыахтаах. “Таҥара сэрэҕи таптыыр” диэн мээнэҕэ эппэттэр. Ханна баҕарар сэрэхтээх буолуу – хас биирдиибит эппиэтинэһэ, олохпут мэктиэтэ.



Добавить комментарий

Ваш e-mail не будет опубликован. Обязательные поля помечены *

пять × 2 =