Кэбээйи улууһа төрүттэммит үбүлүөйүн бэлиэтиир (ВИДЕО)

Комментарии Общество и политика

Просмотров: 26

NVK-ONLINE.RU – 80 сыл анараа өттүгэр муус устар 20 күнүгэр Саха АССР Үрдүкү Сэбиэтин уурааҕынан, Нам, Горнай, Орто Бүлүү кытыы нэһилиэктэриттэн Кэбээйи оройуона тэриллибитэ. Кэнники Саккырыыр оройуонуттан Сэбээн-Күөл, Сиэгэн-Күөл холбоспуттара. Үбүлүөйдээх 80 сылы улуус нэһилиэнньэтэ өрө көтөҕүллэн, долгуйан туран бэлиэтиир.

Бастакы оройуон киининэн Кэбээйи этэ. Улууска чох промышленноһа, балыктааһын балысханнык сайдар кэмигэр 1959 сыллаахха улуус киинин Сангаарга көһөрбүттэрэ. Улуус төрүттэммит кырдьаҕас нэһилиэгэр Кэбээйигэ “Томтор” историческай суолталаах миэстэҕэ 80 сыллаах бэлиэ күҥҥэ анаан дьоро миитин буолла. “Томтор” сквергэ Бартыһаан Дьөгүөрэп оскуолатын бүтэрбит, өрөспүүбүлүкэ, улуус социальнай экономическай сайдыытыгар кылааттарын килэрбит чулуу дьоҥҥо  аналлаах өйдөбүнньүк стендэни арыйдылар.

Бу күн оскуолаларга оҕо аймах дьоро линейкаларга мустан, улуус тэриллибит историятын туһунан болҕойон иһиттэ. Быйылгы үбүлүөйдээх сылга улуус бары нэһилиэктэригэр үгүс тэрээһиннэр буолан аастылар, сыл бүтүөр диэри былааннаналлар.

Бэлиэ күҥҥэ улууһу кытта саастыы 80 саастарын бэлиэтиир Мария Тихоновна Полятинскаяҕа, Александра Алексеевна Колесоваҕа, Екатерина Егоровна Сметанинаҕа улуус махтал суруктарын кытта өйдөбүнньүк бэлэхтэри туттардылар.

 



Добавить комментарий

Ваш e-mail не будет опубликован. Обязательные поля помечены *

5 × 3 =