Кэбээйи улууһугар үрүҥ көмүһү хостуур фабрика балаҕан ыйыгар аһыллыаҕа

Комментарии Главные новости, Экономика и сельское хозяйство

Поделиться:

НВК САХА – Кэбээйи улууһугар Мангазеядааҕы рудалаах сиргэ үрүҥ көмүһү хостуур фабриканы балаҕан ыйыгар арыйыахтара. Бу туһунан СӨ баһылыгын уонна бырабыыталыстыбатын пресс-сулууспата иһитиннэрдэ.

Мангазеятааҕы рудалаах сиргэ үрүҥ көмүһү туһаҕа таһаарыы туһунан инвестбырайыагы от ыйын 12 күнүгэр Ил Дархан Айсен Николаев уонна Silver Bear Resources Plc хампаанньаны бас билээччи Сергей Колесников кэпсэттилэр.

Колесников этэринэн, хампаанньа байытар фабриканы тутан бүтэрбит. Сир баайдаах сиргэ вахта бөһүөлэгэ тутуллубут, руданы уонна үрүҥ көмүһү аһаҕас ньыманан хостууллар.

“Фабрика аһыллыыта быйыл Илиҥҥи экономическай пуорум иитинэн балаҕан ыйыгар Владивостокка ыытыллыахтаах”, – диэн Колесников эттэ.

Хампаанньа өрөспүүбүлүкэ үөрэх тэрилтэлэрин кытта үлэлэһэр, устудьуоннарга салгыы үлэлии хаалалларыгар быраактыка тэрийэр былааннаах. Хампаанньа 80% үлэһитэ олохтоох дьон буолуохтара.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

17 + 12 =

ЛЕНТА НОВОСТЕЙ