Кэбээйигэ балыктааһын бэрээдэгин дьүүллэстилэр

Комментарии Общество и политика

Поделиться:

НВК САХА – Кэбээйи оройуонун Арыктаах нэһилиэгэр Арктика дьыалаларыгар госкомитет салалтатынан, айылҕа харыстабылын министиэристибэтэ, туһааннаах тэрилтэлэр, оройуон салалтата, олохтоохтор кыттыылаах уопсастыбаннай истиилэр буолан аастылар. Арыктаах, Лүксүгүн, Чагда дьоно-сэргэтэ көхтөөхтүк кыттан, Ньидьили эбэҕэ балыктааһын бэрээдэгин дьүүллэстилэр.

Кэпсэлгэ киирбит эбэ киэҥ нэлэмэн туонатыгар балыктааһын иһийэн турар кэмэ. Быйыл эбэҕэ Арыктаах нэһилиэгиттэн биэс улахан тэрилтэ сыһыарыллыбыт учаастактарыгар муҥхалаата. Статистика көрдөрөрүнэн, оройуоҥҥа 200-тэн тахса тонна балык бултанарыттан улахан аҥаара Ньидьили эбэ күөх далайыттан хостонор.

Уопсастыбаннай истиилэргэ Ньидьилигэ аһаҕас куонкурус быһыытынан эбэтэр билиҥҥи бэрээдэгинэн, биир сыл болдьохтоох дуогабарынан балыктыырга икки барылы дьүүллэстилэр.

Быйылгыттан “Госрыбцентр” тэрилтэ ыыппыт чинчийиитигэр олоҕуран, балыктыырга хааччахтааһын киирбитэ. Сыһыарыллыбыт учаастактарга бэриллибит квоталарынан 120 тонна собо бултанна. Урукку кэмҥэ тутуллубут дамба саас аайы ууну кыайан аһарбатын, биэрэгэ дириҥээн иһэрин иһин балык аҕыйаабытын бэлиэтииллэр.

“Этиибитин нэһилиэнньэ өйөөн, нэһилиэк аайы балыгы харыстааһын салаатыттан уопсастыбаннай инспекторы аныахтара”, – диэтэ Арктика дьыалаларыгар Госкомитет хотугу төрүт салаалары сайыннарыы салаатын салайааччыта Прокопий Кириллин.

Иккис өттүнэн, киэҥ кынаттаах мунха собо ууһууругар эмиэ охсуулаах. Онон олохтоохтор илимниири эрэ хаалларар туһунан боппуруоһу туруордулар. Мораторийы олохтуур, уопсастыбаннай инспектордары үлэлэтэр, дамба таһымын намтатар туһунан этиилэри киллэрдилэр.

Түмүккэ үс бөһүөлэк олохтоохторо биир сыл болдьохтоох дуогабарынан балыктыаҕыҥ диэн бүттүүн куоластаатылар.  –кс

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

15 − 4 =

ЛЕНТА НОВОСТЕЙ