Уһуйааннарга үһүгэр диэри саастаах оҕоҕо эбии миэстэни таһаарарга субсидия көрүөхтэрин сөп

Комментарии Общество и политика

Поделиться:

НВК САХА – Арассыыйа үөрэҕин министиэристибэтэ “Демография” национальнай бырайыак иитинэн балтараатыттан үһүгэр диэри саастаах оҕо эбии бөлөҕүн кэтэх уһуйааннарга тэрийэргэ  урбаанньыттарга уонна судаарыстыбаннайа суох тэрилтэлэргэ федеральнай бүддьүөттэн субсидия көрөр туһунан этиини киллэрэр.

Бырабыыталыстыба туһааннаах уурааҕын барылыгар ыйылларынан, эрэгийиэннэр маннык уһуйааннарга оҕо ахсаанын ыйан туран, хас биирдии бөлөх испииһэгин Арассыыйа үөрэҕин министиэристибэтигэр ыытыахтаахтар. СанПин ирдэбилинэн,  бөлөхтөр иккиттэн аҕыйаҕа уонна 12 элбэҕэ суох миэстэлээх буолуохтаахтар.

Эрэгийиэннэргэ субсидияны көрөргө субъект итинник эбии миэстэлэргэ төһө наадыйарын эмиэ учуоттуохтара.

Тустаах көҕүлээһин “Үөрэҕи сайыннарыы” судаарыстыбаннай бырагырааманы олоххо киллэрии иитинэн бэлэмнэннэ. Бу туһунан ТАСС иһитиннэрэр.

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

7 − 5 =

ЛЕНТА НОВОСТЕЙ