Киһи олоҕун хайдах уһатыахха сөбүн кэмпириэнсийэҕэ ырыттылар

Комментарии От редакции

Поделиться:

НВК САХА – Саха сиригэр дьон-сэргэ олоҕун хайдах уһатыахха, онно туох суол-иис баарый, ханнык кыһалҕа туорайдыырый? Бу туһунан Дьокуускайга ыам ыйын 23 күнүгэр научнай-практическай кэмпириэнсийэҕэ ырыттылар.

Биир үйэни уҥуордаабыт Матрена Романова бу саас сөхтөрүөн сөхтөрбүтэ. Ытыс саҕа блокнотугар күн бэлиэ түгэнин сурунара, бүтүн поэмалары баһыттан-атаҕар диэри билэрэ.

Билигин өрөспүүбүлүкэҕэ 100 саастарын аһарбыт 20-чэ аарыма кырдьаҕас баар буолла5ына, дьахтар орто сааһа 73-кэ тиийдэ, эр киһи киниттэн уон сыл кылгастык олорор. Маныаха  удьуордааһын 15% дьайар, мэдиссиинэ киһи олоҕун 10% уһатар, биир оччону – тулалыыр эйгэ. Уоннааҕыта киһиттэн бэйэтиттэн тутулуктааҕын кэмпириэнсийэҕэ тоһоҕолоотулар.

Тэрээһин кэмигэр эмчиттэр сүбэ биэрдилэр. Түгэни мүлчү туппакка, Дьокуускай куорат олохтооҕо Роза Жиркова билбитин-көрбүтүн өйүгэр төһө хатаан иһэрин тургутта. Салгыы анал кабинекка анаан-минээн кэлэргэ сананна.

“Араас дьарыктары ыыталлар уонна быраас баар эбит. Киниэхэ эмиэ эмтэниэххэ син үһү. 10 дьарык ыытыллар эбит, онно сылдьыахпын баҕарабын”, – диэтэ Роза.

Биэнсийэлээх киһи итинник быһаарыммыта иһэ-истээх. Киһи ортотунан 40 сааһыттан саҕалаан умнара элбиир. Дьэ, ол иһин мэйиини наар биир курдук буолбакка, араастаан уларыта сылдьан дьарыктыыр ордук.

“Ханнык эмитэ кэмҥэ болҕомтону дьарыктыахтааххын. Ол курдук тугу эмэ ааҕан дуу, көрөн дуу баран, чаас ааспытын кэннэ санаан кэлиэхтээххин”, – диэтэ Саха сиринээҕи научнай киин иһинэн киһи өйгө тутар дьоҕурун сайыннарар кабинет клиническэй психолога Зинаида Алексеева. 

Бэйэни эрчийии, мэдиссиинэни сайыннарыы, экологияны тупсарыы – маны кыайдахпытына, икки атахтаах мутугунан быраҕар муҥур үйэни тосту олоруон сөп. Даҕатан эттэххэ, 2030 сылга диэни өрөспүүбүлүкэ киһи орто сааһа 80 сылга тиийиэхтээх.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемь − три =

ЛЕНТА НОВОСТЕЙ