Киин куоракка бөҕү-саҕы тиэйии уустуктара

Комментарии Общество и политика

Поделиться:

НВК САХА – Дьокуускайга бөҕү-саҕы тиэйэр тэрилтэлэр ассоциациялара, кытаанах хомунаалынай тобохтору кытта үлэлиир “Якутскэкосети” эрэгийиэннээҕи оператор 10 мөлүйүөн солкуобай кэриҥэ суммалаах иэһин төлүүрүн туһунан эрэннэрбитин кэннэ, бүгүҥҥүттэн үлэтин сөргүттэ.

Оператор  тохсунньу ыйга тиэллибит бөх-сах иһин төлөбүрү оҥорботоҕуттан,  чэппиэргэ ассоциация үлэттэн аккаастанарын туһунан иһитиннэрбитэ. Ити эрээри “Якутскэкосети” олунньу 25 күнүгэр диэри  иэс сорох чааһын – 9,7 мөлүйүөн солкуобайы төлүүрүн туһунан эрэннэрдэ. Маныаха киин куорат мэриятыгар сөбүлэһиннэрэр хамыыһыйа тэрилиннэ. Бу хамыыһыйа кулун тутар 1 күнүгэр диэри тиэллэр бөх-сах кээмэйигэр өйдөммөт боппуруоһу көрүө.

Онон мунньуллубут бөҕү-саҕы тиэйии саҕаланна. Ол эрээри олунньу 26 күнүгэр эрэгийиэннээ5и оператор эбээһинэстэрин толорботоҕуна, ассоциация салалтата үлэни эмиэ тохтоторун туһунан этэр.

Бу ассоциацияҕа 14 урбаанньыт үлэлиир. Кинилэр куорат 800 тахса санитарнай туочукатыттан бөҕү-саҕы тиэйиигэ эппиэттээхтэр. Ити куорат нэһилиэнньэтин 60%.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

шесть − четыре =

ЛЕНТА НОВОСТЕЙ