Киин улуустарга ньиэп бородууктата сылы эргиччи тиэрдиллэр буолла

Комментарии Общество и политика

Поделиться:

НВК САХА – «Саханефтегазсбыт» бу сылга Мэҥэ Хаҥалас улууһун Павловскай сэлиэнньэтигэр рельс таһынааҕы ньиэп базатын комплексын бастакы уочаратын тутууну түмүктээтэ.

Ыам ыйын 17 күнүгэр эбиэйиги үөрүүлээхтик аһар тэрээһин өрөспүүбүлүкэ салалтата кыттыылаах буолуо.

Комплекс Саха сирин киин өттүн ньиэп бородууктатынан сылы эргиччи хааччыйарга тырааныспар-логистика сүрүн салаатынан буолуо. Эбийиэк ньиэп базатын тутулун көдьүүстээх оҥорон, тырааныспар ороскуотун сарбыйыа. Манна ньиэп бородууктатын тутар, харайар, резервуар пааркатыттан массыына цистернэлэригэр сүөкүүр үлэ толоруллуо.

Тутуу тэрилтэ 0,5 миллиард солкуобайтан тахса суумалаах үбүгэр олоххо киирдэ.

Резервуар пааркатын сыллааҕы эргиирэ, быһа холоон, сылга 60 000 тыһыынча тоннаҕа тэҥнэһиэ. Инникитин паарка үһүс уочаратын тутуу суотугар ити сыыппара сылга 100 000 тоннаҕа тиийиэ. Эбийиэк бары ирдэбили тутуһан тутуллубут.

Биллэрин курдук, өрөспүүбүлүкэ сүрүн кыһалҕатынан сылы эргиччи массыынанан сырыы суоҕа буолар. Сүрүн хотугу таһаҕас сайыҥҥы кылгас кэмҥэ уу суолунан тиэйиллэр. Манан сибээстээн, бырайыак олоххо киириитэ аҕыс киин улууһу ньиэп бородууктатынан хааччыйыы кыһалҕатын көдьүүстээхтик быһаарыа.

Бэлиэтээтэххэ, ыраах, уустук суоллаах-иистээх нэһилиэнньэлээх пууннарга тиэйии кыһалҕатын «Саханефтегазсбыт» таараламмыт ньиэп бородууктатын тиэрдэн эмиэ быһаарар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

17 + шесть =

ЛЕНТА НОВОСТЕЙ