Ким хантан уһук илиҥҥи гектары Саха сиригэр ылла?

Комментарии Общество и политика

Просмотров: 21

НВК САХА – Нэһилиэнньэлээх пуунтан 20 килэмиэтир тэйиччи уонна босхо Га сиргэ 20 сайаапка киирбит буоллаҕына, манна инфракструктураны киллэриигэ государство бэйэтэ толуйуохтаах диэн 119 №-дээх 2016 сыл ыам ыйын 1 күнүгэр тахсыбыт федеральнай сокуон ыйар.

Уһук илиҥ региоҥҥа босхо биир гектар сири түҥэтии саҕаланаатын тута Үөһээ Бүлүү улууһун Тамалакаан нэһилиэгэр 9 киһи сайаапка түһэрбитэ. Олортон биирдэстэрэ «Барча» бааһынай хаһаайыстыба баһылыга Семен Барчахов буолар. Сэмэн биир эрэ гектарынан муҥурдаммакка, саха гектарыгар киирсэн 170-ча гааны кыраныыссалаан олорор.

Босхо сиргэ күн бүгүн Саха сирин үрдүнэн 18 тыһыынча сайаапка киирбититтэн, 7 тыһыынчата аккаастанна, 4 тыһыынча кэриҥэ сайаапка сөбүлэҥи ааста, 2 тыһыынчаттан тахса илии баттааһыныгар сытар.
Атын регионнартан 8 ый иһигэр барыта 241 сайаапка түспүтүттэн, тута 57 көтүрүллүбүтэ. Билиҥҥи туругунан 5 киһи сайаапката бары бэрэбиэркэни ааһан, сирдэрин докумуонун тутан олороллор. Үксэ Москва, Санкт-Петербург куоратын олохтоохторо интириэстэрин биллэрбиттэр.

Сүрүннээн Уһук Илиҥҥи региоҥҥа бүгүҥҥү күн туругунан 101 тыһыынча сайаапка киирбититтэн, 29 тыһыынчата номнуо сирдэрин ылан сылдьаллар. Надальнийвосток.рф сайты 7 мөлүөйүөн киһи киирэн көрбүт. Онтон өскөтүн биэрбит сайаапкан ааспатах буоллаҕына, олохтоох боломуочуйалаах уорган үлэһиттэринэн, кыраныыссаҕын сыҕарытарга, этии киириэхтээх.



Добавить комментарий

Ваш e-mail не будет опубликован. Обязательные поля помечены *

тринадцать + 18 =