Кирдээх убаҕаһы сокуоннайа суох тоҕооччулары Айсен Николаев миэрэҕэ тардарга сорудахтаата

Комментарии Общество и политика

Поделиться:

НВК САХА – Дьокуускай куорат баһылыга Айсен Николаев куоракка уонна куорат таһынааҕы сирдэргэ кирдээх убаҕаһы сокуоннайа суох сүүрдээччилэри миэрэҕэ тардарга быраабы көмүскүүр уорганнарга сорудахтаата. Бу туһунан Дьокуускай администрациятын пресс-сулууспата суруйар.

«Бу дьон олоҕун уонна доруобуйатын буортулуур кутталлаах буруй буолар”, – диэн Айсен Николаев эттэ.

Мэр кыһалҕалаах аадырыстары кэрийиитин кэмигэр Сайсаар уонна Промышленнай уокуруктарга кирдээх ууну сүүрдүү боппуруоһа сытыытык турарынан, уокурук салайааччыларын сэмэлээтэ.

Канализация уутун кыһын устата көҥүлэ суох тоҕоннор, уу сүүрдэр лотуок мууһунан бүөлэммит. Бу түмүгэр чугас эркин турар дьиэлэргэ уу киирбит. Ордук Ильменскэй, Рыдзинскай, Жорницкай уулуссаларга тоҕуллубут ууну ыраастыырга хомунаалынай үлэһиттэр үгүс түбүгү көрсүбүттэр.

Ону тэҥэ Хатаска уонна Табаҕаҕа канализация уутун таһар массыыналар сокуоннайа суох кирдээх ууну сүөкүүллэрин туһунан куорат администрациятыгар үҥсүү киирэр.

Дьокуускай айылҕа харыстабылын кэмитиэтин госинспектордара убаҕас тобохтору көҥүлэ суох тоҕууну бэрэбиэркэлиир рейдэлэри ыыппыттара. Ол түмүгэр ассенизатор суоппардара Мерзлотка оройуонугар анал тоҕор станцияҕа тиийбэккэ, холуодьаска сүөкүүллэрин туппуттар. –ай//фа

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

тринадцать − 1 =

ЛЕНТА НОВОСТЕЙ