Кирилл Бычков: Хаарбах дьиэттэн көһөрүү бырагырааматын бастакы түһүмэҕин сыыһатын-халтытын болҕомтоҕо ыллыбыт

Комментарии Общество и политика

Поделиться:

НВК САХА – Өрөспүүбүлүкэ бырабыыталыстыбатын бэрэссэдээтэлин солбуйааччы Кирилл Бычков бэлиэтээбитинэн, дьону хаарбах дьиэттэн көһөрүү бырагырааматын бастакы түһүмэҕин түмүгүнэн, саҥа бырагыраамаҕа көннөрүүлэр киириэхтэрэ. Балар бырагырааманы болдьоҕор уонна чопчу киллэрэр кыаҕы биэриэхтэрэ.

Олунньу 21 күнүгэр тутуу миниистирэ Павел Аргунов уонна саҥа тэриллибит Дьиэни-уоту тутуу дириэксийэтин салайааччыта Игорь Ткаченко кыттыылаах сүбэ-мунньах ыытылынна. Кирилл Бычков иһитиннэрбитинэн, 2019-2024 сылларга суоттаммыт эрэгийиэннээҕи бырагыраама кулун тутар ый бүтүүтэ бырабыыталыстыба мунньаҕын көрүүтүгэр киириэ. Ол кэнниттэн сайаапка олорор дьиэ-уот, хомунаалынай хаһаайыстыбаны уларыта тутуу пуондатыгар барыа. Онон номнуо бу сыл иккис кыбаарталыгар бастакы үп киириэ.

Нэдиэлэ аайы ыытыллар мунньахха бырабыыталыстыба бэрэссэдээтэлин солбуйааччы сана бырагыраама бастакы түһүмэҕэ саҕаланарыгар улуустар бэлэмнэниилэрин кэтиир. Маныаха сүрүн болҕомто дөкүмүөнү оҥорууга, саҥа дьиэлэри тутарга сир учаастагын бэлэмнииргэ ууруллар.

Кирилл Бычков: “Элбэх кыбартыыралаах дьиэлэри эрэ тутуунан муҥурданан, бу сылга күттүөннээх түмүгү ситиспэппит. Онон миэстэтигэр иккис ырыынакка баар кээмэйи эмиэ болҕомтоҕо ылар суолталаах”, – диэн эттэ. Кини бэлиэтээбитинэн, ыраах улуустарга таһаҕаһы тиэрдии болдьоҕун кытта сибээстээх хааччахтааһыны таһынан, хомунаалынай инфраструктура эргэбитэ, кыамтата намыһаҕа эмиэ кыһалҕаны үөскэтэр.

Арассыыйа үрдүнэн хаарбах олорор дьиэлээх-уоттаах субъектар ортолоругар Саха сирэ инники күөҥҥэ турар. Маныаха саамай элбэх итинник дьиэ-уот Алдан, Ленскэй уонна Нерюнгри оройуоннарыгар баар.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

11 − 6 =

ЛЕНТА НОВОСТЕЙ