Комикс жанрыгар уруһуйдуур Николай Тимофеев (ВИДЕО)

Комментарии Спорт и культура

Просмотров: 21

NVK-ONLINE.RU – Илиҥҥи халандаарынан 2017 сыл – Бөтүүк сыла. Үүммүт сыл бэлиэтэ буолбут дьиэ көтөрүн ким эрэ хаартан оҥорор, ким эрэ уруһуйга түһэрэр дьарыктаах. Литература уонна ойуулуур-дьүһүннүүр искусство холбоспут комикс жанрыгар уруһуйдуур дьон республикаҕа улам да элбээн эрэр.

Өссө 90-с сылларга Николай Тимофеев “Микки Маус” мультик дьоруойун туһунан ойуулаах, суруктаах-бичиктээх сурунаалын нөҥүө аан бастаан комикс жанрын кытта билсибитэ. Кэлин атын сурунааллары көрөн, сэргээн, бэйэтэ уруһуйдуурга холоммута.

Үгүс комикстар билигин фантастика, ол эбэтэр аралдьытар тиэмэлээхтэр. Оттон Коля туспа хайысханы талан, билиҥҥи уопсастыба боруоктарын бэйэтин үлэтигэр ойуулаан, ааспыт сылга бастакы комиксын бэчээттээн таһаарбыта.

Дьокуускай куоракка комикстары оҥорор 3 айар холбоһук баар. Уруһуй нөҥүө санааларын, фантазияларын иллэҥ эрэ кэмҥэ үллэстэллэр. Урбаан тэринэн, элбэх бириэмэни аныахтарын, билигин сатабыла суох, комикс жанра саҥардыы тарҕанан эрэр буолан, дьон ирдэбилэ кыра.



Добавить комментарий

Ваш e-mail не будет опубликован. Обязательные поля помечены *

16 − 2 =